Mayın 23-dən iyunun 12-dək Türkiyədə 46-cı İstanbul Musiqi Festivalı keçiriləcək.
Festivalın saytına istinadla xəbər verilir ki, azərbaycanlı violonçel ifaçısı, beynəlxalq müsabiqələr laureatı Camal Əliyev iyunun 8-də festival çərçivəsində Müqəddəs Antoni kilsəsində keçiriləcək konsertdə çıxış edəcək. Konsertdə, həmçinin Alican Süner (skripka), Can Çakmur (piano) iştirak edəcəklər.
İstanbul Mədəniyyət və İncəsənət Fondu tərəfindən təşkil olunan festivalın builki mövzusu “Ailə əlaqələri” adlanır.
azertag.az