Qoç – Pis gün deyil, amma narahatlıq keçirəcəksiniz. Demək olmaz ki, uğur birbaşa üzərinizə gəlir, amma onu əldə etmək sizə nəsib olacaq. İş ortaqları və ya rəhbərləri qarşı cinsdən olan Qoçlar işlərində müvəffəqiyyət qazanacaqlar. Daşınmaz əmlak, tikinti materialları və ərzaq məhsulları ilə bağlı uğurlu sövdələşmələr mümkündür.
Qeyri-formal ünsiyyət, ziyafətlər, kütləvi çıxışlar üçün uyğun gündür. Aşiq olmaq ehtimalınız var, amma yeni münasibətiniz istədiyiniz kimi asan və rəvan olmayacaq.
Buğa – Əsas odur ki, bu gün ətrafınızdakılara qarşı nə hisslər duyduğunuzu aydınlaşdırasınız. Bəziləri yaxşı insanlar olsalar da, sizinki onlarla tutmur – bunu artıq boynunuza almağın vaxtı gəlib. Yaxşı düşünülmüş qərar həyatınızı yaxşılığa doğru dəyişməyə imkan verəcək.
Hansısa ciddi, mürəkkəb və məsuliyyətli bir layihəyə başlaya bilərsiniz. İşi düzgün bölüşdürmək bacarığınız sayəsində yorğunluq hiss etməyəcəksiniz.
Əkizlər – Emosional fon sabit deyil. Tez-tez dəyişən əhvalınızın təsiri altına düşürsünüz. Hansısa axmaq, dəyərsiz və yersiz anlaşılmazlıq üzündən sizin üçün vacib olan əməkdaşlıq pozula bilər. Sizin çoxdan içinizdə yığılıb qalan sözlərinizi üzə vurmaq həvəsiniz rəhbərliklə əməlli-başlı münaqişəyə səbəb ola bilər.
Şəxsi münasibətlərinizdə isə hər şey əksinədir: siz yaxınlarınızı hər cür neqativ təsirdən qoruyursunuz. Günün ikinci yarısı müstəqil məşğuliyyətlər və təklikdə istirahət üçün daha uyğundur – bunlar sizə mənəvi rahatlıq gətirəcək.
Xərçəng – Siz çox tələsirsiniz, bu isə xoşagəlməz hadisələrə səbəb ola bilər. "Qatarın qabağında qaçmaq" sizə bu qədərmi adrenalin bəxş edir? Hadisələri sakitcə müşahidə etməklə qəti hərəkətlər üçün lazım olan anı düzgün təyin edə bilərsiniz.
Sizin ən böyük düşmənləriniz – zəiflikləriniz və kaprizlərinizdir. Əlbəttə, özünü sıxma-boğmaya salmaq o qədər də xoş deyil, amma getdikcə güclənən istəklərinizdən imtina etsəniz, çox yaxşı olar. Bu gün pəhriz saxlamaq, yaxud zərərli vərdişlərlə mübarizə sizə çətin olacaq. Səhhətinizə zərər vurmamağa çalışın.
Şir – İnsanları anlamaq, həmçinin onları olduqları kimi qəbul etmək bacarığınız işinizə yarayacaq. Bu gün həm özünüz, həm də yaxınlarınız üçün çox faydalı işlər görəcək, ehtiyacı olana əl tutacaqsınız. Bunun əvəzini sizə artıqlaması ilə ödəyəcəklər. Kütləvi tədbirlərdə iştirak üçün münasib gündür. Bəzi Şirlər siyasətdlə ilk addımlarını atmağa çalışacaqlar.
Səliqə-səhman yaratmaq üçün yaxşı vaxtdır. Çalışıb-vuruşub həyatınızı məhz özünüzün istədiyiniz məcraya sala biləcəksiniz.
Qız – Uğurlu gündür. İnsanlarla yaxşı anlaşır, özünüzü onların yerinə qoya bilirsiniz, bu isə işlərinizi irəlilətməyə sizə kömək edir. Sizin cəsur ideyalarınızı və yaradıcı planlarınızı dəstəkləməyə hazır olan köməkçiləriniz çoxdur. Xaricə səfərlər, əcnəbi iş ortaqları ilə görüşlər, əcnəbi dillərin öyrənilməsi üçün yaxşı gündür.
Yaxınlarınızla münasibətləriniz ürəkaçandır. İstənilən qeyri-formal görüş yaxşı keçəcək. Şəxsi həyatınızda təşəbbüs göstərə, sizə xoş gələn insanla yaxınlaşa bilərsiniz.
Tərəzi – Bugünkü qələbələrinizi hətta ətarfınızdakılar da sezəcəklər. Amma uğurlarınızın uzun və sabit olması yalnız sizdən asılıdır. Çünki nəhayət başa düşmüsünüz ki, məqsədə doğru ən qısa yol hiyləgərlikdən, ikiüzlülükdən, yalançı dostluqdan keçir. Amma unutmayın ki, ifşa olunmaq riskiniz də böyükdür.
Öz prinsiplərinə sadiq qalan Tərəzilər isə xırda, amma düzgün nailiyyətlərlə kifayətlənəcəklər. Yalnız belə Tərəzilər nüfuzlu və hörmətli insanların dəstəyini qazanaraq öz mövqelərini möhkəmlədə bilərlər.
Əqrəb – İşgüzar aktivliyiniz yüksəkdir. Bu səbəbdən başqalarının iflasa uğradığı sahələrdə siz uğurlar qazanırsınız. İşgüzar münasibətlər də dinamik inkişaf edir. İlkin danışıqlardan müqavilələrin imzalanması və layihənin gerçəkləşdirilməsinə başlanmasına keçid cəmi bir neçə saat vaxt ala bilər.
Hansısa ailəvi planları, yaxud sevdiyiniz şəxslə gələcək həyatınızı müzakirə edə bilərsiniz. Yaradıcı potensialınız aşıb-daşır. Fantaztiyalarınızı gerçəkləşdirməyə çalışın.
Oxatan – Gün hadisələrlə doludur. Bunların əksəriyyəti isə sizin təşəbbüsünüzlə baş tutur. İnsanlarla asan dil tapır, öz dediyinizin üstündə durur və bu zaman təzyiqlə qarşılaşacağınızdan qorxmursunuz, çünki belə bir təzyiq heç yoxdur da.
Həm işgüzar əlaqələrinizdə, həm də şəxsi həyatınızda təşəbbüs göstərin. İdeyalarınız uğurlu, perspektivləri yaxşıdır və bunu da hamı görür. Qeyri-standart həllərdən başı çıxan adamlar sizi dəstəkləyəcəklər. Əcnəbilərlə, yaxud uzaqlardan gələn həmvətənlərlə uğurlu sövdələşmələriniz mümkündür.
Oğlaq – Bu qədər də söhbət, danışıq olar? Nədənsə hamının sizinlə söhbət etməyi tutub: ətrafınızdakılar sizə çoxsaylı suallar verir və həmən onları cavablandırmanızı istəyirlər. Siz də sakitcə onlara qulaq asaraq başqalarının problemləri ilə bağlı məsləhətlər verir, amma başa düşürsünüz ki, onsuz da onlara şeç kim əməl etməyəcək.
Sizin üçün çox vacib olan bir işə diqqətinizi cəmləyə bilmirsiniz. Xoşbəxtlikdən, təcrübəli insanların məsləhətinə qulaq asır və bu səbəbdən də böyük səhvlərdən can qurtara bilirsiniz.
Dolça – Yüksək əsəbi gərginlik və daim artan narahatlıq səbəbindən başqalarının hissləri barədə unudursunuz. Odur ki, bu gün bir çox Dolçalar elə hərəkət edəcəklər ki, sonra çox peşman olacaqlar. Təmkinlilik, soyuqqanlılıq və ehtiyat sizi bir çox xoşagəlməzlikdən qoruyardı.
Maliyyə baxımından da yaxşı gün deyil. Uğursuz sövdələşmələr, müqavilələr bağlamağınız mümkündür. Yaxşı olar ki, bu gün qonaq qəbul etməyəsiniz.
Balıqlar – Günün birinci yarısı bir çox sınaqlardan keçməli olacaqsınız. Bədxahlarınızla mübarizə aparacaq, intriqaları ifşa edəcək və bir çox dolaşıq situasiyalardan çıxış yolu axtaracaqsınız. Bu isə həm əhvalınıza, həm səhhətinizə təsir edəcək.
Günün ikinci yarısında özünüzü daha rahat hiss edəcəksiniz. Pulla bağlı məsələlərdə bəxtiniz gətirə bilər. Bahalı əşyalar ala bilərsiniz.
Milli.Az