Xalq artisti Aygün Kazımova doğum günü ilə əlaqədar yaxınlarına sürpriz hazırlayır.
O, bu münasibətlə təşkil olunacaq təntənəli ziyafətə artıq hazırlıq işlərini görməyə başlayıb.
Hər il yanvarın 26-da milli estradamızın divası ən yaxın insanlarının və doğmalarının əhatəsində özünə parlaq doğum günü şənlikləri keçirməyi artıq ənənə halına çevirib. 2014-cü il də bu baxımdan istisnalıq təşkil etməyəcək.
Bu dəfə xalq artistimiz öz bayram şənliyini qeyri-adi formatda keçirəcək – o, karnaval təşkil etmək arzusundadır. Bu barədə Instagram sosial şəbəkəsində onun prodüseri Tolik məlumat yayıb.
Şənliyin təşkilatçısı kimi çıxış edəcək Tolik qeyd edib ki, karnavala gələnlər üçün “dress-code” kifayət qədər ciddi olacaq və əgər qonaq ziyafətə karnaval kostyumunda gəlməsə, onun ulduz statusundan asılı olmayaraq, o karnavala buraxılmayacaq.
Qeyd edək ki, 2014-cü ilin yanvar ayının 26-da Aygün Kazımovanın 43 yaşı tamam olur.
gun.az