Londondakı “Pizza Express” caz klubunda Azərbaycanın Əməkdar Artisti, dünya şöhrətli cazmen Şahin Növrəslinin solo konserti keçirilmişdir.
Konsertdə Böyük Britaniya ictimaiyyətinin nümayəndələri, tanınmış mədəniyyət xadimləri, incəsənət ustaları, diaspor təmsilçiləri iştirak etmişlər.
Ş. Növrəsli konsertdə Azərbaycan və Avropa cazmenlərinin əsərləri ilə yanaşı, özünün bəstələdiyi musiqi parçalarını da ifa etmişdir.
Ş.Növrəsli indiyədək Uday Mazumdar, Alison Miler, Aleks Pek, Mat Zebroski, Cef Lederer, Con Vikan, Saşa Maşin və başqa tanınmış musiqiçilərlə eyni səhnəni bölüşmüş və albomlar yazdırmışdır.
Azərbaycanlı cazmen, həmçinin Türkiyə, Fransa, Kanada, Rusiya və digər ölkələrdə uğurlu konsert proqramları ilə çıxış etmiş, həmin ölkələrin aparıcı universitetlərində və məktəblərində ustad dərsləri vermişdir.
Londondakı konsert proqramı qonaqlarda böyük maraq doğurmuşdur.
AzərTAc