Sabahdan başlayaraq Azərbaycanda havanın temperaturu ötən günlərlə müqayisədə yüksəlməyə başlayacaq.
Ekologiya və Təbii Sərvətlər Nazirliyinin Milli Hidrometeorologiya
Departamentinin Hidrometeoroloji Proqnozlar Bürosunun baş hidroloqu Asif
Verdiyevin verdiyi məlumata görə, bu gün axşamdan etibarən Bakı və
Abşeron yarımadasında külək tədricən zəifləyəcək, sabahdan isə
mülayimləşəcək: “Sabah ölkə ərazisində havanın temperaturu ötən günlərlə
müqayisədə yüksəlməyə doğru gedəcək, temperatur 3-4 dərəcə artacaq.
Yaxın 3 gün ərzində respublika ərazisində mülayim hava şəraiti
gözlənilir”.
APA