Azərbaycanın avtomobil şirkətləri taksi fəaliyyətində istifadə olunması üçün Bakıya ağ rəngli avtomobillər gətirməyə başlayıb.
Bu barədə məlumat verən Nəqliyyat Nazirliyi Katibliyinin rəhbəri Namiq
Həsənovun sözlərinə görə, bəzi şirkətlər taksi avtomobillərinə qoyulan
tələbləri nazirliklə razılaşdırmaqla bu məqsədlə ölkəyə gətiriləcək
avtomobil modellərini dəqiqləşdirib. Bura «Daewoo Nexia», «Daewoo
Lacetti» («Chevrolet Lacetti»nin bazasında yaradılmış), «Fiat», «Toyota
Yaris» və s. aiddir.
«Daewoo» avtomobillərinin satışı ilə məşğul olan «Uz-Daewoo Baku Auto»
şirkətindən Bakıya taksi fəaliyyəti üçün yeni avtomobillərin
gətirildiyini təsdiqləyiblər. Şirkətdən bildirilib ki, bu məqsədlə
gətirilən ağ rəngli «Daewoo Nexia» avtomobillərini ilkin ödəniş 20%
olmaqla 3 illiyə kreditlə almaq mümkündür. Qiymətlər isə 8 700-11 500
manat arasında dəyişir.