ABŞ-ın Tennesi ştatındakı Bartletta şəhərinin sakini Ceyms Labrek indi
özünü dünyanın ən sarsaq və axmaq adamı sayır. Çünki onun 122,93 dollara
"eBay" onlayn hərracında satdığı seyfindən xəzinə tapılmışdır.
Labrek seyfi satışa çıxarmazdan əvvəl onu silkələmişdir, lakin orada nəyin isə olduğuna dəlalət edən heç bir səs eşitməmişdir.
15 ildən bəri “eBay” hərracında mal satan Labrek demişdir ki, o,seyfin boş olduğunu düşünübmüş.
Seyfdə 26 min dolların tapıldığını alıcı xəbər vermişdir.
Labrek vurğulamışdır ki, alıcıya bu pulları mənimlə bölüşməyi təklif
edəndə rədd cavabı aldım. Dedi ki, öz qoyduğun qayda belədir. Həmin
şərtdə isə deyilirdi ki, bu fotoda gördüyünüz əşyanı alırsınız. Heç bir
mükafat və ya pulun qaytarılması ola bilməz. Amma istənilən halda,
seyfdən tapılan pulun mənimlə bölüşdürülməməsi ədalətsizlikdir. Əgər mən
seyfdə pul tapsaydım, satıcıya deyərdim: “Qulaq as, dostum, mənə
satdığın seyfdən pul çıxdı - gəl, bölüşək”.
İçindən 26 min dollar çıxan seyfin alıcısı jurnalistlərin suallarına cavab vermək istəməmişdir.