Qoç - Gün ərzində müsbət tendensiyaların təsiri çox güclü olacaq. Çox şey öyrənəcəksiniz. Aldığınız məlumat da faydalı olacaq. Karyeranızda yüksəliş mümkündür. Üstəlik, bu, bir çox Qoçlar üçün gözlənilməz olacaq. Xarici tərəfdaşlarla əlaqələr qurulması üçün uyğun gündür, xaricə səfərlər də uğurlu keçəcək.
Şəxsi münasibətlərinizdə də hər şey əladır. Bir çox Qoçları maraqlı görüşlər, romantik aludəçilik gözləyir. Ailəlilər isə yaxınlarıyla ahəngdar münasibətlərdən zövq alacaqlar.
Buğa - Ailə üzvlərinizdən biri ilə bağlı qəfil xəbər sizi çaşdıracaq. Öz problemlərinizi bir müddətə kənara qoyub, başqalarının çoxsaylı işlərini həll etməli olacaqsınız. Bütün məsuliyyət məhz sizin üstünüzə düşəcək - Buğaların əksəriyyətini isə bu əməlli-başlı sıxacaq.
Yaradıcı ideyalarınızın həyata keçirilməsi üçün münasib gündür. Təklikdə daha yaxşı işləyirsiniz. Amma etibarlı tərəfdaşlarınız varsa, bəzi asan işləri onlara həvalə edə bilərsiniz. Yeni kontaktlar böyük ehtiyat tələb edir. Xüsusilə də söhbət maliyyə və əmlakdan gedirsə.
Əkizlər - İşləyin! Çünki həm inadcılsınız, həm də başınızda fikirlər qaynayır - belə fürsət ələ düşməz. Günün ikinci yarısı isə nüfuzlu insanlar sizə dəstək verəcəklər. Ən ağır, mürəkkəb işləri də günün bu vaxtına salın.
Bu gün Əkizlər çox maraqlı və dəyərli məlumat alacaqlar, onun sayəsində həyatı tamamilə yaxşılığa doğru dəyişmək mümkündür. Həddən artıq ehtiyat isə bu gün xeyrinizə işləmir. Əgər böyük nəticələr əldə etmək istəyirsinizsə, ağıllı (!) risk edə bilərsiniz.
Xərçəng - Gün asan olmasa da, onu pis adlandırmaq da düzgün deyil. Məqsədyönlüsünüz, amma bunu nədənsə lazım olan istiqamətdə nümayiş etdirmirsiniz. Bəzən geri çəkilməyiniz strateji cəhətdən çox ağıllı və səmərəli manevr ola bilər - bunu gün ərzində ağlınızdan çıxarmayın. Sövdələşmələr, yeni partnyorlarla müqavilələr bağlamaq üçün münasib gündür.
Xarici təsirlərə qarşı bu gün çox həssassınız. Bir tərəfdən, bu, yaxşıdır: intuisiyanız güclənir, öz hərəkətlərinizin nəticəsini əvvəlcədən hiss edə bilirsiniz; digər tərəfdən isə təhlükəlidir: pis adamın təsiri altına düşə, onun əlində oyuncağa çevrilə bilərsiniz.
Şir - Səhəriniz xoş notlarla açılmır. Qəfil xəbərlər sizi çaşdıra bilər. İşdə və evdə münaqişələr mümkündür. Unutmayın, istənilən məlumatı yoxlamaq lazımdır: sizi aldatmaq, çaşdırmaq istəyəcəklər. Sövdələşmələr bağlamayın, xərclərinizi azaldın.
Xoşbəxtlikdən, nikbinliyiniz və ruh yüksəkliyiniz kifayət qədərdir. Bunların sayəsində çətinliklərə sinə gərə biləcəksiniz. Günün sonunda vəziyyəti dəyişə bilərsiniz.
Qız - Bu gün Qızların əsas düşmənləri onların özləridir. Bu bürcün nümayəndələri daxili harmoniyanı və mənəvi tarazlığı heç cür əldə edə bilmirlər. Özlərini ora-bura vurur və nəticədə gücdən düşürlər. Bir çox işləri yarıda tullayır, ideyalarını reallaşdırmağa tələsmirlər. Əgər diqqətli və təcrübəli bir insanın məsləhətlərinə qulaq assanız, çətinliklərdən qurtula bilərsiniz.
İstənilən riskdən qaçın! Ağır fiziki iş, ekstremal idman növləri bu gün qəti qadağandır. Sükan arxasındasınızsa, çox ehtiyatlı olun!
Tərəzi - Düşünülməmiş hərəkətlərinizin bol olduğu gündür. Bəzən bunlar həyati səhvlərə gətirib çıxaracaq. Ehtiyatı unutmusunuz, diqqət yaddan çıxıb, geri çəkilmək üçün bir addım da olsun, yer qoymursunuz, bu səbəbdən kor dalana düşürsünüz. Heç xoşlamadığınız bir şəxsdən kömək istəməli olacaqsınız. Çünki yaranan situasiyadan başqa çıxış yolu yoxdur.
Yalandan qorunun, sizin etibarınızdan sui-istifadə etmək istəyənlərin sayı kifayət qədərdir. Borca pul verməyin, özünüz də kredit götürməyin, iri müqavilələr imzalamayın.
Əqrəb - Əgər bir az çalışqan olsanız, gününüz uğurlu olacaq. Özünüzə yazığınız gəlməsin, bütün qüvvənizlə işləyin, özünüz də şahidi olacaqsınız ki, buna dəyər. İşdə birmənalı olmayan situasiyalar, həmkarlarınız və əməkdaşlarınızla münaqişələr yarana bilər. Hər şeyə şübhə ilə yanaşmağınız sizə ziyan vurur - bu səbəbdən sərfəli işlərdən və kontaktlardan imtina edirsiniz.
Bu gün işgüzar və ya şəxsi məsuliyyətdən azad Əqrəblər sürprizlərlə qarşılaşacaqlar: hərəkət sərbəstliyi böyük üstünlük vəd edir. Bürcün belə nümayəndələri ümumi axına qoşulmaqdan qorxmamalıdırlar, axın onları lazım olan yerə aparıb çıxaracaq.
Oxatan - Ən böyk düşməniniz tənbəlliyinizdir. Bu səbəbdən xeyli uğursuzluqla üz-üzə qalırsınız. Əgər ona güc gəlsəniz, mənfi tendensiyaların təsiri xeyli azalacaq. Unutmayın, sizi diqqətlə izləyirlər. Üstəlik, bu adamlardan sizin karyeranızın inkişafı birbaşa asılıdır. Odur ki, bu gün etdiyiniz ciddi bir səhvin ciddi fəsadları olacaq.
Bütün planlarınızı reallaşdırmaq üçün vaxtınız çatmır, nədənsə imtina etməli olacaqsınız. Bu zaman yaxınlarınızın maraqlarını nəzərə almaq çox vacibdir. Yoxsa qarşılıqlı küskünlüklərdən və ittihamlardan yaxa qurtarmaq çətin olacaq.
Oğlaq - İşlər istədiyiniz kimi getmir. Xırda səhvləriniz ucbatından planları dəyişməli olacaqsınız. Harasa tələsirsiniz, harasa gecikirsiniz, nəyisə unudursunuz, lazımi adamı yerində tapa bilmirsiniz və s. Nəticədə günün çox hissəsi mənasız vurnuxma ilə keçir.
Yaxınlarınızla da dil tapa bilmirsiniz. Sizə elə gəlir ki, sizi diqqətlə dinləyib və anlayıblar, bir qədər keçir və aydın olur ki, iş tamamilə başqa cürdür. Həll olunmuş hesab etdiyiniz məsələlərin müzakirəsinə dönə-dönə qayıtmalı olursunuz.
Dolça - Elə bilirsiniz ki, gün yalnız problemlə doludur. Amma əslində, belə deyil, sadəcə, örtüklər açılır, gizli olanlar aşkara çıxır. Özünüzü itirməyin. Ardıcıl olsanız, vurnuxmasanız, bütün problemlərin öhdəsindən gələ bilərsiniz. Günün ortasında nüfuzlu və müdrik insanlardan dəstək alacaqsınız və hər şey olduqca asanlaşacaq.
Günün ikinci yarısını təşkilati məsələləri həll etməyə, səliqə-sahman yaratmağa həsr edin. Detallara qarşı diqqətli olun, heç nəyi gözdən qaçırmayın. Ətrafınızdakıları bu qıcıqlandırır, amma iş münaqişəyə qədər böyüməyəcək.
Balıqlar - Uğurlu gündür, sizi parlaq qələbələr gözləyir. Mürəkəb məsələlərdən qorxmayın, onları tez həll edəcəksiniz. İşgüzar danışıqların aparılması, xüsusilə də uzunmüddətli əməkdaşlığa aid məsələlərin müzakirəsi üçün əla gündür. Gələcək üçün planlar quraraq onların reallaşdırılmasına başlaya bilərsiniz.
Rahat şəraitdə ünsiyyət üçün münasib gündür. Hamı sizinlə açıq danışır, inciyəndə də bunu gizlətmir. Sevdiklərinizlə səmimisiniz, onlar da sizə qarşı eyni münasibəti göstərirlər. Enerjiniz çoxdur.
Milli.Az