Azərbaycan Mədəniyyət və Turizm Nazirliyi “Turizm haqqında” yeni qanun layihəsi hazırlayıb. Bu barədə nazir müavini Nazim Səmədov bildirib.
Onun sözlərinə görə, hazırda layihə nazirliyin saytında yerləşdirilib: “Bu sahədə fəaliyyət göstərən təşkilatlar mart ayının əvvəlinə kimi öz rəy və təkliflərini irəli sürə bilərlər”.
N.Səmədov qeyd edib ki, daha sonra qanun layihəsi tərcümə olunaraq Ümumdünya Turizm Təşkilatına göndəriləcək: “Onlar da öz rəylərini təqdim etdikdən sonra parlamentin müzakirəsinə təqdim olunacaq”.
Nazir müavini onu da deyib ki, ölkədə turizm sahəsində islahatların həyata keçirilməsi planlaşdırılır.