İşdə baş verən gərginlikləri unutmaq, problemləri evə gətirməmək və evdə necə istirahət etmək olar?
Bunun
müxtəlif yolları ola bilər. Milli.Az anspress-ə istinadən sizə ev
şəraitində günün yorğunluğundan canınızı qurtarmağın ən asan yollarını
təqdim edir.
İsti vanna
Bol köpük ilə
isti vanna qəbul edin. Ətrafınızda yüngül ətirli şamlar yandırın. 30
dəqiqə bu vəziyyətdə qaldıqdan sonra özünüzü başqa bir aləmdə hiss
edəcəksiniz.
Süd və bal
Südü isidərək,
içinə 1 çay qaşığı bal və 1 çimdik darçın əlavə edərək, bir içki
hazırlayın. Bu sizə dərin və sağlam yuxu bəxş edəcək.
Kitab
Sizi
narahat edən fikirlərdən yayınmaq üçün kitab yaxşı vasitə ola bilər.
Rahat bir yerdə əyləşib, sevimli kitabınızı oxumaq bütün pis
fikirlərinizi geridə qoyacaq.
Şam yeməyi
Yorğun
iş gününün sonunda, ailənizlə birlikdə hazırlayacağınız yemək
rahatlanmağınız üçün yaxşı üsuldur. Birlikdə hazırlayacağınız yeməyin
dadı çox ləzzətli olacaq... Sınamağa dəyər.
Milli.Az