Azərbaycan Yazıçılar Birliyində (AYB) 2014-cü il üçün “Nəsimi” Mükafatının təqdimat mərasimi keçirilmişdir.
Azərbaycan Yazıçılar Birliyinin sədri, Xalq Yazıçısı Anar mükafatın hər iki ildən bir Novruz bayramı ərəfəsində təqdim olunduğunu bildirmişdir.
AYB-nin sədri bu mükafatın ilk dəfə Xalq Yazıçısı İsa Hüseynova (Muğanna) təqdim edildiyini diqqətə çatdırmışdır. Bildirmişdir ki, bu il həmin mötəbər mükafata Xalq Şairi, Azərbaycan Yazıçılar Birliyi Ağsaqqallar Şurasının sədri Vaqif Səmədoğlu layiq görülmüşdür. Sonra mükafat sahibinə təqdim edilmişdir.
Xalq Şairi Vaqif Səmədoğlu yaradıcılığının yüksək qiymətləndirilməsinə görə Azərbaycan Yazıçılar Birliyinə minnətdarlığını bildirmişdir.
AzərTAc