NASA-nın «Terra» peykindən Cənubi Afrika sahillərində nəhəng burulğanın
fotoşəkili çəkilmişdir. Tədqiqatçıların fikrinə görə, bu misli
görünməmiş burulğanın eni 149 kilometrdir.
Mütəxəssislər birmənalı olaraq bildirirlər ki, burulğan okeanın
dərinliklərində yerləşdiyindən gəmiçilik və ya dəniz heyvanları üçün heç
bir təhlükə yaratmır. Əksinə, o, dənizdə yaşayanlar üçün xeyirlidir,
çünki okeanın dibindən suyun üzünə çoxlu miqdarda qida maddələri
qaldırır.
Bu cür burulğanlar "current rings" (hərəkət edən halqalar) adlandırılmışdır. Alimlərin
fikrincə burulğan ilıq şor suların Hind okeanından Atlantik okeanına
keçməsində böyük rol oynayır.