Bu ilin əvvəlindən Bakının torpaq bazarında qiymətlər və aktivlik artımla yadda qalıb.
Mənzil bazarı seqmentini araşdıran “MBA LTD” Konsaltinq və Qiymətləndirmə şirkətindən verilən məlumata görə, yaranmış vəziyyət qış fəslinin tədricən sona
yetməsi və tikinti sektoru üçün qarşıdan mövsümi ayların gəlməsi ilə
bağlı olaraq hazırlıq işlərinin görülməsi, həmçinin şəhərdə növbəti
söküntü dalğasının başlanması ilə əlaqələndirmək olar. Yanvar ayının
əvvəlindən “Sovetski” deyilən ərazidə köhnə tikililərin söküləcəyi
qərarı Bakı şəhərinin torpaq bazarında qiymətlərin artması ilə
nəticələnib.
Şirkətin torpaq bazarında apardığı müşahidələrin nəticəsinə görə
torpaq sahələrinin satış müddəti (ekspozisiyası) ötən aya nisbətən 0,63%
azalıb. Fevral ayı ərzində bazara çıxarılan 1 sot torpağın orta qiyməti
1,35% artaraq 17 646 dollar/sot səviyyəsindən 17 884 dollar/sot
səviyyəsində qərarlaşıb.
Bu ilin fevral ayında Bakı şəhərinin əksər rayonları üzrə qiymət
artımı müşahidə olunmasına baxmayaraq Abşeron, Nəsimi, Səbail və Nizami
rayonlarında qiymət azalması müşahidə olunub. Qeyd edək ki, yanvar
ayında da bu rayonlarda qiymət artımı qeydə alınıb. Ən çox qiymət
azalması mərkəzi rayonlarda qeydə alınıb. Hazırda torpaq bazarında ən
aktiv rayonlar Xəzər, Qaradağ, Sabunçu və Suraxanı rayonları, ən passiv
rayon isə Nəsimi və Nərimanov rayonlarıdır.
Bu ilin fevral ayında torpaq bazarında aktivlik şəhərin III və IV
zonalarında artıb. Qiymətlərin və torpağa olan tələbin artması təklif
portfelinin həcmində son ayda azalması ilə müşahidə olunub.
Zonalar üzrə qiymətlər aktivliyə uyğun olaraq müxtəlif templə
dəyişib, mövsümi aylarda olduğu kimi, bütün zonalarda torpaq sahələrində
qiymətlərin artımı müşahidə edilib.
|
Zonalar
|
yanvar 2014, $/sot
|
fevral 2014, $/sot
|
orta qiymət dəyişməsi, %
|
|
I zona
|
264102
|
264136
|
0,01
|
|
II zona
|
152627
|
153708
|
0,71
|
|
III zona
|
35985
|
38607
|
7,29
|
|
IV zona
|
5212
|
5465
|
4,85
|
Yuxarıdakı cədvəldən göründüyü kimi, hesabat ayında qiymətlərin
artması bütün zonalar üzrə qeydə alınıb. Qiymətlərin artması bir
tərəfdən qış mövsümünün tədricən sona yaxınlaşması ilə izah edilirsə,
digər tərəfdən isə şəhərdə söküntü və bundan doğan fəsadlarla və
əhalinin tədricən fərdi tikintiyə üstünlük vermələri ilə
əlaqələndirilir.
Torpaq bazarında azalan təklif, aktivliyin və tələbatın artması ilə
bağlı olub. Ekspozisiya müddətinin azalması isə əvvəldən də gözlənilən
idi.
Ay ərzində torpaq bazarına təklif olunan ümumi 593 ədəd torpaq
sahəsinin 90,0%-i boş sahə, qalanı isə qeyri-yaşayış sahələri və köhnə
yaşayış sahələri təşkil edib. Yeni tikililərin salındığı torpaq
sahələrinin 20,1%-i köhnə yararsız evlərin sökülməsi, 5,5%-i keçmiş
sənaye və məişət obyektlərinin yerləşdiyi torpaqlarda, qalan hissəsi isə
yeni torpaqların alınması hesabına aparılıbdır. Təklif portfelində
torpaq sahələrinin orta sahəsi 46,89% azalaraq 21,4 sot/sahə təşkil
edib. Ay ərzində torpaq bazarında təklif portfelinin həcminin azalması
demək olar ki, şəhərin bütün hissələrində müşahidə edilib. Bazarda
təklifin azalması təbii ki, satışın həcminin artması və boş torpaq
sahələrinin azalması ilə bağlı olub.
Bu il fevral ayı ərzində Bakı şəhəri torpaq bazarında orta qiymətlər
yuxarıda qeyd edildiyi kimi artım ilə yadda qalıb. Qiymət indeksi ay
ərzində 1,35% artaraq 8,951 səviyyəsində qərarlaşıb. 1 sot torpağın orta
qiyməti də uyğun olaraq artaraq 17 884 dollar/sota çatıb. Tələb
müxtəlif templə də olsa, əksər rayonlarda artım ilə seçilib və nəticədə
fərdi tikintinin artması bazarda təklifin sayına da öz təsirini
göstərib.
Ümumən təklifin qıtlığı şəhərin mərkəzi ərazisində davam edir. Bu
vəziyyət isə şəhərin mərkəzində boş torpaq sahələrinin azalması və
söküntü işlərinin həcminin artması ilə izah olunur. Ay ərzində bazara
təklif edilən ən bahalı torpaq sahəsi Nəsimi rayonunda (350 000 $/sot),
ən ucuz torpaq sahəsi isə Xəzər rayonunda (440$/sot) qeydə alınıb.
APA