Nəqliyyat vasitələrinin hərəkətinin məhdudlaşdırılması yol göstərici xətlərin yenidən rənglənməsi ilə bağlıdır.
Zığ şosesində nəqliyyat vasitələrinin hərəkəti məhdudlaşdırılacaq.
Nəqliyyat Nazirliyinin “Azəryolservis”
ASC-dən Nəqliyyatı İntellektual İdarəetmə Mərkəzinə verilən məlumata
əsasən, bu gün saat 11:00-dan gün ərzində Zığ şosesində (Ramiz Quliyev
küçəsi ilə kəsişmədən Zığ dairəsinə qədər) yolun 2 zolağında nəqliyyat
vasitələrinin hərəkəti məhdudlaşdırılacaq.
Digər məlumata görə, bu gün saat 22:00-dan
etibarən Məmməd Araz (köhnə adı - Teymur Əliyev) və Yusif Vəzir
Çəmənzəminli küçələrində nəqliyyat vasitələrinin hərəkəti qismən
məhdudlaşdırılacaq.
Məlumata əsasən, ərazidə nəqliyyat
vasitələrinin hərəkətinin məhdudlaşdırılması yol cizgiləri xətlərinin,
piyada keçidlərinin və yol göstərici xətlərin yenidən rənglənməsi ilə
bağlıdır.