Massaçusets xəstəxanasının əməkdaşlarının sözlərinə görə, qadın sonsuzluğu problemi tezliklə həll oluna bilər.
İlk dəfə olaraq qadın yumurtalığında laboratoriya şəraitində yumurta
əmələ gətirə bilən gövdə hüceyrələri aşkar edilmişdir. Siçanlar üzərində
aparılan tədqiqatlar göstərmişdir ki, bu cür gövdə hüceyrələri
asanlıqla mayalanır.
Yumurtalıqlarda məhdud və bərpa olunmayan yumurta ehtiyatının olması
barədə nəzəriyyəni həkimlər artıq 2004-cü ildə təkzib etmişlər.
Tədqiqatın rəhbəri Conatan Till demişdir ki, qadınlar yumurta
hüceyrələrini bərpa edə bilərlər. Tədqiqatdan məqsəd qadın
yumurtalığında yumurta hüceyrələrinin əmələ gətirilməsi üçün gövdə
hüceyrələrinin olduğunu sübuta yetirməkdir.
Bu kəşf sonsuzluğun müalicəsi üçün yeni texnologiyaların inkişafına
şərait yaradır, istənilən qədər yumurta hüceyrəsi yaratmağa imkan verir.
Lakin texnologiyanın təcrübədə tətbiqi üçün hələ sınaqlar davam
etdirilməlidir.
AzərTAc