2014-cü ilin əvvəlində
Amerikanın Rezvani Motors şirkəti Beast adlı yeni superkarın tizerləri
ilə avtomobil ictimaiyyətinin marağına səbəb oldu.
Bildiyiniz kimi
kaliforniyalı yeni avtomobilin adının hərfi tərcüməsi “vəhşi heyvan”
deməkdir. Bu gün Rezvani öz yeni məhsulunu – 500 at gücünə sahib Rezvani
Beast modelini rəsmi olaraq təqdim edib. Yeni avtomobilin əsasında
çoxdan məlum olan Ariel Atom durur.
Yeni Rezvani Beast superkarını həmyerlimiz Samir
Sadıxov ərsəyə gətirib. Əvvəllər o Aston Martin DBC və Ferrari Xezri
layihələrini həyata keçirib. Güman edildiyi kimi yeni Rezvani Beast
modelinin kuzovu karbondan hazırlanıb. Superkar zərif əsas işıqlandırma
faralarına və aqressiv arxa diffuzora sahibdir. Arzu olunsa avtomobilin
ön şüşəsi asanlıqla çıxarıla bilər.
Rezvani
Beast yaraşıqlı və müasir kapotu altında iki tamamilə fərqli mühərrik
yerləşir. Bunlar 315 a.g. hasil edən 2,0 litrlik turbo mühərrik 666 kq
çəkisi olan avtomobili ilk “yüzlüyə” 2,9 saniyə ərzində sürətləndirir.
Rizvani
Beast ikinci mühərriki daha maraqlıdır. 2,4 litrlik mühərrik 500 a.g.
hasil edir. Orijinal aerodinamik kuzov sayəsində supercar ilk “yüzlüyə”
2,7 saniyədə “sıçrayır”.
Avtomobilin qiyməti də
artıq məlumdur. 315 güclü mühərriklə avtomobili əldə etmək üçün 99 500
ABŞ dolları ödəmək lazımdır. “Vəhşi”nin daha güclü versiyası alıcıya 124
900 dollara başa gələcək. Yeri gəlmişkən, bu qiymətə yalnız ilk
modelləri əldə etmək mümkün olacaq. Sonradan Rezvani Beast satış
qiymətləri 119 000 və 139 000 dollar olacaq.
Milli.az