Qoç - Günü pis adlandırmaq düzgün olmaz, çünki yaxşı ideyalar və sərfəli təkliflər çoxdur. Ancaq pis olan sizin kefinizdir - hər şeyi qara tonlarda görürsünüz. Nikbinliyiniz hara yox olub? Onu təcili tapın, o zaman həyatınız düzələcək.
Günün ortasında uğurlu danışıqlar mümkündür, rəğbət bəslədiyiniz bir insanla ürəkdən söhbət etmək imkanınız olacaq. Bir çox Qoçlar üçün uğur məhz axşam gələcək - unudulmaz bir görüş və yaxud yığılıb qalmış problemləri aradan qaldırmaq şansı yaranacaq.
Buğa - Əhvalınız çox gözəldir, bu səbəbdən bu gün dünənkindən xeyli fərqlənir. Öz rahatlığınızın (həm mənəvi, həm fiziki) qayğısına qalırsınız, vaxtınızı xoş keçirmək imkanlarının heç birini ötürmür, həm dostlarınız, həm həmkarlarınızla əylənməyə çalışırsınız. Pəhriz saxlayan Buğaların günü deyil - bu gün onlar tamahlarını saxlaya bilməyəcəklər.
Gün ərzində danışıqlar, rəhbərliklə söhbətlər uğurlu olacaq. Axşam romantik görüşlə yadda qalacaq. Ailə və ev problemlərini bir göz qırpımında həll edəcəksiniz.
Əkizlər - Günün ilk yarısı super keçəcək. Uğur əldə edəcəyinizə inamınız həddən artıq çoxdur və şərait hər nə cür olur-olsun, onu əldə edirsiniz. Haqlı olduğunuza inanır və bu səbəbdən işgüzar danışıqları istədiyiniz məcraya yönəldirsiniz. Yaxınlarınızın isə sizin sərt iradlarınız xoşuna gəlməyə bilər.
Axşama doğru işgüzar aktivliyiniz azalacaq. Bütün problemləri bir kənara atıb əylənmək həvəsi getdikcə güclənəcək. Şıltaqlıq edirsiniz, sizinlə dil tapmaq yaxın adamınız üçün çox çətindir.
Xərçəng - Çox xoş və məhsuldar gündür. Əvvəlcədən qurduğunuz plana riayət etmək çətin deyil. Təşkilatçılıq bacarıqlarınız güclənir, istənilən kollektivin başına keçə bilərsiniz. Yüksək vəzifəli insanlarla asan dil tapırsınız və bu, işlə bağlı bir çox probleminizi həll etməyə imkan verir.
Axşamçağı yaradıcı qabiliyyətləriniz parlaqdır, intuisiyanız güclüdür. Bu dövrdə öz hisslərinizə güvənə bilərsiniz.
Şir - Günün birinci yarısını ən çətin məsələlərin həllinə həsr edin. Məhz bu vaxt diqqətinizi cəmləmək, prioritetləri düzgün təyin etmək sizə müyəssər olur. Maraqlı təkliflər mümkündür. Sonrakı saatlarda isə ehtiyatı artırın. Daha çox cari məsələlərə diqqət ayırın, çünki səhv etmək ehtimalınız bu dövrdə artır.
Yaxın adamlarla, xüsusilə qadınlarla asan dil tapırsınız. İntuisiyanız sizə başqalarının sizdən nə gözlədiyini düzgün deyir, siz də bundan yararlanırsınız.
Qız - Danışıqların aparılması üçün münasib gündür. Məsələlər nə qədər qəlizdirsə, bir o qədər yaxşıdır, onları müzakirə etməkdən çəkinməyin. İstənilən auditoriya qarşısında çox parlaq çıxış etməyə, bu yaxınlara qədər düşmən hesab etdiklərinizin arasından özünüzə tərəfdar tapmağa qadirsiniz. Biznesmen Qızlar investorları maraqlandıran təkliflər verəcəklər.
Ümumiyyətlə, işgüzar sahədə bəxtiniz daha çox gətirir, nəinki şəxsi münasibətlərdə. Yaxınlarınızla tez-tez, özü də boş şeylərin üstündə mübahisə edirsiniz. Gərəksiz xərclər mümkündür. Kiməsə hədiyyə almayın: düzgün seçim etmək çətin olacaq.
Tərəzi - İstədiyiniz kimi hərəkət etməyinizə kimsə mane olmur. Kimsə, hətta ulduzlar da işlərinizə qarışmır. Odur ki, uğurlar, qələbələr və nailiyyətlər məhz zəhmətinizin bəhrəsi olacaq. Təhsil üçün uyğun gündür, bu gün nəyisə beyninizə yığmaqda çətinliyiniz olmayacaq.
Axşam romantik əhval-rühiyyədə olacaqsınız. Xoş görüş, maraqlı tanışlıqlar mümkündür. Aşiq Tərəzilər sevdiklərilə çox gözəl vaxt keçirəcəklər.
Əqrəb - Çox gərgin gündür. Sanki içinizdə bir boşluq var. Bu isə təsadüfi deyil: bir çox xoşagəlməz hadisə yaşamaq ehtimalınız güclüdür. Həm evdə, həm işdə ciddi problemləriniz ola bilər. Əl-qolunuz boşalmasın, rastınıza çıxan ilk problemdən başlayaraq həll etməyə çalışın, işin çoxluğundan heç çəkinməyin, hər şeyin öhdəsindən gəlmək olar, sadəcə, istəyiniz olsun.
Günün ikinci yarısı intuisiyanız güclənəcək, onun sayəsində bir çox səhvlərdən qaça biləcəksiniz. Hər bir probleminizdə kömək etməyə hazır olan bir insan peyda olacaq.
Oxatan - Çox xoş gündür, ünsiyyət, işgüzar və şəxsi görüşlər, sövdələşmələr üçün münasibdir. Cani-dildən, entuziazmla işləyirsiniz. Bu gün başqa bürclərin nümayəndələrindən fərqli olaraq mürəkkəb problemlərin öhdəsindən gəlmək sizin üçün daha asandır. Rəqiblərinizi xeyli geridə qoyaraq, nüfuzlu insanlar arasından tərəfdaş tapmaq şansınız olacaq.
Yaxınlarınızla asan dil tapır, xoşunuza gələn insanlarla birlikdə gözəl vaxt keçirirsiniz. Sevgi etirafı edə bilərsiniz - onu diqqətlə dinləyərək xoş qarşılayacaqlar.
Oğlaq - Nə etmək lazım olduğunu gözəl bilirsiniz: emosiyaları cilovlamaq, tənbəlliyin öhdəsindən gəlmək, uzun müddətdən bəri diqqət tələb edən işlərlə məşğul etmək. Ancaq bunlar sizdə alınmır. İşə köklənə bilmirsiniz. Üstəlik, sizi tez-tez onsuz da başlaya bilmədiyiniz işlərinizdən ayırırlar. Özünüzü də pis hiss etdiyinizi düşünür, getdikcə buna inanır və başqalarını da inandırırsınız, səbəbsə birdir - işləmək istəmirsiniz. Odur ki, gün adi, «elə-belə» keçir, amma daha yaxşı ola bilərdi!
Axşam vaxtı sükan arxasına keçməyin, mürəkkəb texnika və iti alətlərlə iş də məsləhət deyil. Zədə elmaq ehtimalınız çoxdur.
Dolça - Narahat gündür. Tez-tez sakitlik və təklikdə qalmaq arzunuz yaranır. Təklikdə nəyisə düşünmək yox, məhz istirahət etmək istəyəcəksiniz. Sizin diqqətinizi çoxları gözləyir, kimlərinsə xətrinə dəyməməkdən ötrü dəridən-qabıqdan çıxacaqsınız. Bu «tapşırığın» öhdəsindən gələcəksiniz, amma mənəvi cəhətdən tükəndiyinizi hiss edəcəksiniz.
Axşam qəribə anlaşılmazlıqlar mümkündür. Prinsipcə, onlar qorxulu deyil, hətta məzəlidir. Əgər onlara zarafatla yanaşsanız, başqaları da şəraiti yumorla qəbul edəcəklər.
Balıqlar - Emosional fon gərgindir, ciddi problemləriniz var. Neqativ emosiyalarınız dolub-daşır, siz isə onların əsl mahiyyyətini anlamır və bu səbəbdən əlinizin altına kim keçirsə, onu da günahkar sayırsınız. Sizin üçün çox dəyərli insanları incidə bilərsiniz.
Günün ikinci yarısı situasiya bir qədər yaxşılaşacaq. Özünüzü ələ alacaq, baş verənlərə daha soyuqqanlı yanaşacaqsınız. Çoxdan tanıdığınız bir qadınla açıq söhbət əvvəllər diqqət vermədiyiniz faktları sizə göstərəcək.
Milli.Az