Ölkəmizdə yeni model müsabiqəsinə start verildi. 26 mayda prodüser Sultan Mustafayevin təşkilatçılığı ilə ilk dəfə olaraq qızlar, oğlanlar və uşaqlardan ibarət “Mr and Mrs Land of Fire” model müsabiqəsi üçün kastinq keçiriləcək.
Müsabiqədə 30 oğlan, 30 qız və 30 uşaq yarımfinala keçəcək. Onlardan 22 nəfəri finala vəsiqə qazanacaq. Müsabiqənin şərtlərinə görə uşaqlar 4 yaşından 14 yaşına qədər olmalı, qızların boyu ən azı 1,75, oğlanların boyu isə 1,80 olmalıdır.
Oktyabrın 26-da bu layihədə qalib gələn iştirakçılar 70 ölkənin içərisində Şimali Koreyada ölkəmizi təmsil etməyə yollanacaqlar. Seçim turu avqustda başa çatacaq. Seçimlər bitdikdən sonra müsabiqə canlı olaraq Fashion TV-də yayımlanacaq.
Qalib gələn oğlanlar 5 min, qızlar isə 10 min avro əldə edəcəklər. Uşaqlar üçün isə Parisdə Disneylənddə əylənmək üçün 4 nəfərlik hər şey daxil olmaqla bilet təqdim olunacaq.
Oxu.az