Dünən saat 23:00-da Həsən Əliyev küçəsinin Şəmsi Rəhimov küçəsi ilə kəsişmədən Azadlıq prospekti ilə kəsişməsinədək bağlanan hissəsində təmir işlərinə start verilib.
Bu barədə Azəryolservis” ASC-nin mətbuat xidmətinin rəhbəri Pünhan Mürsəliyev məlumat verib.
O bildirib ki, təmir işləri çərçivəsində kommunikasiya qurğularının dəmir beton piltələri dəyişdirilir, müasir baxış qapaqları qoyulur: “Bu işlər yekunlaşdıqdan sonra köhnə asfalt-beton örtüyü müasir mexanizm vasitəsilə qaşınacaq. Bundan sonra yeni asfalt-beton örtüyü salınacaq”.
Qeyd edək ki, təmir işləri bir həftə davam edəcək.
APA