Dünyanın ən cazibədar kişiləri hansı ölkələrdə yaşayır? Məlum olub ki,
qadın turistlər hər hansı şəhərə, yaxud ölkəyə səfər edərkən oranın
insanlarının nə qədər cəlbedici olmasını da nəzərə alırlar.
Turizmdən yazan Qərb jurnalistləri dünyanın ən yaraşıqlı kişilərinin yaşadığı ölkələrin reytinq siyahısını hazırlayıblar.
“Travelers Digest” turizm jurnalı oxucuları arasında sorğu keçirib və
məlum olub ki, dünyanın ən yaraşıqlı kişilərinin yaşadığı şəhər İsveçin
paytaxtı Stokholmdur. Turistlərin əksəriyyəti bu fikirdədir ki, İsveç
kişiləri çox ünsiyyətcil, eleqant, zövqlüdürlər, onlar xüsusən əsl kişi
maneraları ilə fərqlənirlər. Qadın turistlər iddia edir ki, İsveç
kişiləri yalnız ilk baxışda soyuq görsənirlər, amma əslində onlar çox
həssasdırlar, ən əsası isə onlar aşpazlıqda mahirdirlər.
Ən cəlbedici, yaraşıqlı kişilərin yaşadığı digər şəhərlər isə bunlardır:
Nyu-York, Amsterdam, Lissabon, Buenos-Ayres, Sidney, Berlin, Milan,
Tel-Əviv.
Qeyd edək ki, bir müddət əvvəl ən gözəl qızların yaşadığı şəhərlərin də
reytinq-siyahısı hazırlanmışdı. Həmin siyahının birinci pilləsində Kiyev
qərarlaşmışdı. Reytinq-siyahıda həmçinin Buenos-Ayres, Stokholm, Moskva
kimi şəhərlərin də adları varıydı.
ANN.Az