Dünyanın ən böyük və populyar sosial şəbəkəsi olan Facebook yeni mobil əlavəni istifadəyə verib. "Slingshot" proqramı vasitəsilə istifadəçilər bir-birlərinə foto və video yollaya bilərlər. Amma alınan məlumata baxmaq üçün mütləq əvəzində nə isə yollamaq gərəkdir.
"Slingshot" proqramı foto və ya video çəkməyə, həmin kontentə mətn əlavə etməyə, sonra da "dost"a və ya "dostlar qrupu"na yollamağa imkan verir.
Servisin əsas xüsusiyyəti oyun mexanikasıdır: istifadəçi aldığı foto və ya videonun əvəzində nə isə yollamasa, məlumata baxa bilməz.
Yeni servisdən hələlik yalnız Facebook-un ABŞ-dakı istifadəçiləri yararlana bilərlər.
Milli.Az