13 yaşlı bu oğlanı
yaşadığı kəndlə bahəm, ətraf qəsəbə və şəhərlərin sakinləri meymun tanrı
Xanumanın yerdəki zühurlarından biri sayırlar. Oğlana sitayiş edir, ondan xeyir-dua istəyirlər.
Yeniyetmə isə bəlasından qurtulacağı günü səbirsizliklə gözləyir.
Hindistanın Pəncab ştatında yaşayan 13 yaşlı Ərşid Əli Xanın quyruğu var.
17,7 sm uzunluğunda ət çıxıntısı quyruq təsiri bağışlayır.
Yerli
sakinlərin onu hindus tanrısı, meymunlar hökmdarı Xanumanın yerdəki
izharı saymalarına və sitayiş etmələrinə rəğmən, Ərşid Əli Xan yeriməkdə
çətinlik çəkdiyi üçün quyruğundan qurtulmaq istəyir.
Həkimlərin
dediklərinə görə, Ərşidin onurğasının aşağı hissəsində anadangəlmə
defekt olduğu üçün fəqərələr aralanıb. Quyruq isə atavizm nişanəsidir.
"Bu
quyruğu mənə tanrılar verib. Mən tanrılara inandığım üçün insanlar da
mənə sitayiş edirlər. Onların duaları da çin olur", - Ərşid deyib.
13 yaşlı Ərşidin 4 yaşı olanda atası vəfat etdiyi üçün o, indi babası İqbal Qüreşi və iki əmisi ilə birlikdə yaşayır.
Oğlanın
babası İqbal olaylara təmkinlə yanaşır: "Ərşid istəyirsə, olsun,
quyruğu kəsilsin. Quyruqlu və ya quyruqsuz - o, mənim nəvəmdir".
Ərşidin sözlərinə görə, quyruğu kəsilib götürüləndən sonra da insanlar onların evinə axın edəcəklər.
"Çünki onlar inanırlar, dua edirlər", - 13 yaşlı quyruqlu oğlan söyləyib.
Milli.Az