Qafqaz Müsəlmanları İdarəsində Qazilər Şurasının QMİ Elmi Təqiqat Şurası və İdarənin səlahiyyətli nümayəndələri ilə birgə iclası keçirilib.
QMİ Qazılar Şurasının Ramazan ayının başlanması münasibəti ilə fətva verilib.
Fətvada dünya müsəlmanlarının “On bir ayın sultanı” adlandırdığı mübarək Ramazan ayının başlanması münasibəti ilə müsəlmanları təbrik edən QMİ Qazılar Şurası Ramazani Şərifin fəzilət və önəmi, bu ayda əməl olunması vacib və bəyənilən olan əməllərlə bağlı tövsiyələrini xalqa çatdırıb, Allah-Təaladan ibadət və dularının qəbul olunmasını diləyib.
Fətvada xüsusi vurğulanıb ki, hər il olduğu kimi bu ildə QMİ AMEA Şamaxı Rəsədxanası ilə birlikdə Azərbaycan ərazisi üfüqinə uyğun olaraq Ramazan ayının əvvəli, namaz vaxtları, günün duaları və bayram tarixini əhatə edən müstəsna təqvimi və yaddaş kitabçasınını təqdim edib.
Qeyd olunub ki, builki hesablamalara görə, miladi təqvimlə 29 iyun 2014-cü il Ramazan ayın birinci günüdür. İyun ayının 28-i orucluğun niyyət gecəsidir. Bildirilib ki, şəvval ayı hilalının görünməsindən aslı olaraq Eydul-Fitr-Ramazan bayramı namazı iyul ayının 28 və ya 29-da qılınacaq.
Mənəvi birliyimizə xidmət edən qaydalara və mövcud təqvimə riayət etməyi dinadarlarımıza tövsiyə edən QMİ Qazılar Şurası, bölgələrdəki qazılar,səlahiyyətli nümayəndələr, imam və axundlar tərəfindən bu məqamların icraatının vacib olduğu bildilrilib.Xüsusi qeyd olunub ki, təqdim olunan təqvim bilavasitə Azərbaycan üfüqinə müvafiq olan. Dini və elmi baxımından vəhdət təşkil edən bir vasitədir. Bəzi xarici dövlətlər və yerli nəşriyyatlar tərəfindən izinsiz və istinadsız çap olunan təqvimlər isə dindarlara yalnış məlumat verir, məhzəblər, təriqətlər arasında ixtilafa səbəb olur.
QMİ Qazılar Şurası belə təxribat xarakterli çap məhsullarının dövriyyədən çıxarılmasını tələb edib və dindarlara məsləhət görüb ki, yalnız QMİ və AMEA Şamaxı Astorfizika Rəsədxanasının birgə hazırladığı təqvimdən istifadə etsinlər.
Qazılar Şurası din xadimlərinin nəzərinə onu da çatdırıb ki, orucluqda iftardan öncə ehsan süfrələrində iştirak etməkdən qəti şəkildə çəkinsinlər.
Xüsusi vurğulanıb ki, bu xəbərdarlığı nəzərə almayan din xadimləri barəsində ciddi tədbir görüləcək. Həmçinin əhaliyə müraciət edilib ki, QMİ-nin rəsmi din xadimlərinin iftardan öncə ehsan mərasimlərində iştirak halları ilə rastlaşacaqları təqdirdə QMİ-ə məlumat verilsin.
Gün.Az