Tələbə Qəbulu üzrə Dövlət Komissiyası (TQDK) ümumi orta təhsil bazasından orta ixtisas təhsili müəssisələrinə sənəd verən bu ilin məzunlarına müraciət edib.
TQDK-nın mətbuat xidmətindən verilən xəbərə görə, ümumi orta təhsil bazasında (9 illik) cari ilin məzunları üçün (9-cu sinfi bu il bitirən) orta ixtisas təhsili müəssisələrinə ərizə qəbulu bu gün saat 23:59-da başa çatır. Sənəd qəbulu prosesinə mayın 12-dən başlanılıb.
Orta ixtisas təhsili müəssisələrinə (ümumi orta təhsil bazasında) ixtisas seçimi 2-10 iyul tarixlərində aparılacaq. İxtisas seçimində ümumi balı 16-dan və hər bir fənn üzrə balı 8-dən az olmayan abituriyentlər iştirak edəcək.
APA