Qoç - Təzadlı gündür. Sizin başlıca düşməniniz boş danışıqlardır, bunlar nəinki vaxtınızı alır, kefinizi də korlayır. Bir çox Qoçlar xoşları gəlməyən insanlarla iş görməyə və heç sevmədikləri işlərlə məşğul olmağa məcburdurlar. Amma keflərini pozmur və neqativ emosiyalarını cilovlayırlar.
Günün ikinci yarısı diqqət mərkəzinə düşəcək, rəğbət qazanacaqsınız. Bu dövr kütlə qarşısında çıxışlar, ən cəsarətli planlarınızı həyata keçirməkdə köməyi dəyə biləcək insanlarla görüşlər üçün münasibdir.
Buğa - Daha çox müsbət tendensiyaların təsiri duyulur. Onlar işlərdə uğurlar, idman yarışlarında qələbələr, məhsuldar əməkdaşlıq və qəliz məsələlərin həllini vəd edir. Ətrafınızdakılarla yaxşı dil tapır, heç kimin dindirə bilmədiyi insanları danışdırırsınız. Əgər hansısa bir işinizdə köməkçilərə ehtiyacınız varsa, onları bu gün tapın.
Enerjiniz çoxdur, hətta işlərinizin çoxluğu da sizi yormayacaq. Ziyafətlərə getmək məsləhətdir.
Əkizlər - Bu günə konkret planlar qurmayın. Çünki o qədər gözlənilməz hadisələr baş verəcək ki, onları reallaşdırmağa imkan tapmayacaqsınız. Hər dəqiqə yeni bir xəbər alacaq, onları nəzərə almalı olacaqsınız. Bəxtinizdən, bu gün çox mobilsiniz, ağlınız sizi darda qoymur, şəraitə uyğunlaşır və lazım olmayan yerə qüvvənizi sərf etmirsiniz.
Münaqişəli situasiyalar, yaxınlarınızla mübahisələr gözlənilir. Xüsusilə qadınlarla dil tapmaq çətin olacaq. Hətta nəticəsinin pis olacağını bilə-bilə emosiyalarınızı nəzarətdə saxlamağa cəhd göstərmirsiniz.
Xərçəng - Emosional fon çox dəyişkəndir. Xırda məqamlar kefinizi pozur, hər şeyi ürəyinizə salır, özünüzə inamınızı itirirsiniz. Xoşbəxtlikdən, sizi bu situasiyadan çıxaran insanlar tapılır. Sizi sevən insanlardan kömək istəyin, utanmayın!
Bu gün pul ala bilərsiniz. Düzdür, o qədər də böyük məbləğ olmayacaq, amma çox yerinə düşəcək. Təəssüf ki, pullardan düzgün istifadə edəcəyinizi demək olmaz: məsələ pula gələndə, ağlınız harayasa «buxarlanır».
Şir - Uğurlu gündür. Ətrafınızdakılarla öz yaxşı ideyalarınızı bölüşür, diqqət mərkəzinə düşdüyünüzə görə sevinir, kompliment və sevgi etiraflarını böyük məmnunluqla dinləyirsiniz. Əlaqələrinizi genişləndirmək və yaxud sadəcə, boş vaxtınızı gözəl keçirmək istəyirsinizsə, ziyafətlərə gedə bilərsiniz: çox gözlənilməz və xoş görüşlər mümkündür.
Ciddi ailə və iş məsələlərini müzakirə etmək üçün əla gündür. İntuisiyanız güclüdür, onun sayəsində istənilən müsahibinizin qəlbinə yol tapırsınız. Sərfəli sövdələşmə əldə etməyiniz mümkündür.
Qız - Çox çətin gündür. Ciddi xoşagəlməz anlar yaşaya bilərsiniz. Ehtiyatsızlığınıza görə özünüzü qınayacaq və bunu elə şiddətlə edəcəksiniz ki, axırda qanınız tamam qaralacaq. Bu yaxınlaradək etibarlı tərəfdaş və ya dost hesab etdiyiniz insan ümidinizi doğrultmaya bilər.
Planları dərhal dəyişmək, adi rejimdən imtina etmək lazım gəlir. Əlbəttə, bu elə də dəhşətli deyil, bundan da çətin situasiyaların öhdəsindən gəlmisiniz, amma belə şəraitdə nikbinliyi qoruyub saxlamaq həddən artıq çətindir. Sevdiyiniz şəxsin davranışları isə kasanı daşıran son damlaya bənzəyir.
Tərəzi - Çox uğurlu gündür. Ən cəsarətli ideyalarınızı, indiyədək həyata keçirməyə çəkindiyiniz planlarınızı reallaşdıra bilərsiniz. Şəxsi münasibətlərdə yaxşılığa doğru ciddi dəyişikliklər mümkündür. Yaxınlarınızla səmimi olun, son zamanlar aranızda yaranan bütün problemlərin həllində ən doğru yol budur.
Enerjiniz çoxdur, işlərin çoxluğu sizi yormayacaq. Aktiv istirahət, gəzintilər, idmanla məşğul olmaq faydalı olacaq. Səfərlərə gedə bilərsiniz. Yola tək çıxmalı olmağınız sizi kədərləndirməsin, səfəriniz asan olacaq, yaxşı yol yoldaşları da tapılacaq.
Əqrəb - Kifayət qədər probleminiz ortaya çıxacaq, bunların hamısını həll etməyə isə vaxtınız çatmır. Yaxınlarınızla ciddi fikir ayrılıqları yarana bilər. Sizə elə gəlir ki, ətrafınızdakılar işlərinizə qarışır və bunu çox nəzakətsizcəsinə edirlər. Siz «öz ərazinizin» müdafiəsinə qalxırsınız, amma müdafiə tədricən hücuma keçir.
Maliyyə vəziyyətiniz yaxşılaşa bilər. Pul ala, sərfəli sövdələr qura bilərsiniz. Bir qədər bədxərclik edirsiniz.
Oxatan - Maliyyə baxımından pis gün deyil: sövdələr bağlaya, yeni gəlir mənbəyi tapa bilərsiniz. Uğurlu alış-veriş mümkündür. Birgə layihələr üzərində iş rahat gedir, bunun səbəbi isə odur ki, düzgün tərəfdaş seçmisiniz. Bu günə səfərlər və ekskursiyalar planlaşdıra bilərsiniz, amma günün qaranlıq vaxtı evdən ayrılmaq məsləhət deyil.
Xarici dilləri öyrənmək, xaricdə yaşayan dostlarla ünsiyyət qurmaq üçün münasib gündür. Romantik görüşlərdən imtina etməyin. Ev işlərilə isə probemlər yarana bilər: bunlara əl yetirə bilmir və yaxınlarınızın narazı baxışları, tənələri ilə qarşılaşırsınız.
Oğlaq - Bu yaxınlarda çox ehtiyacınızın olduğu sakitliyi nəhayət ki, əldə edirsiniz, nəticədə hadisələrin axarı müsbət məcraya yönəlir. Anlaşılmazlıqlar aradan qalxır, bir çox problemlər sizin iştirakınız olmadan həllini tapır. Yaxınlarınızla ünsiyyət daha asan və xoş olur. Sevdiyiniz insanla əsl ruh yaxınlığı əldə edirsiniz.
İstənilən məclisin ulduzuna çevrilir, emosional yorğunluq hiss etmir, hətta tanımadığınız insanların əhatəsində sıxıntı keçirmirsiniz. Qeyri-formal şəraitdə həm kübar söhbətlər apara, həm də vacib iş məsələlərini müzakirə edə bilərsiniz.
Dolça - Həftənin ən gözəl günlərindən biridir. Öz ideyalarınızı həyata keçirmək üçün qeyri-adi, amma çox səmərəli üsullar tapır, böyük arzularınızı gerçsəkləşdirirsiniz. Dəstəyə ehtiyacınız yoxdur, amma tərəfdaş və həmfikirlər özləri sizi tapırlar. Bu isə o deməkdir ki, qələbə sevincini bölüşmək üçün geniş kampaniyanız var.
Ailə tədbirləri üçün uyğun gündür. Yaxınlarla münasibətləri yoluna qoymaq, mübahisəli məsələləri həll etmək olar. Sevənlərin işi rast gətirəcək, tənha Dolçalar maraqlı tanışlıqlar quracaqlar.
Balıqlar - Ünsiyyət üçün elə də yaxşı gün deyil. Yalnız sizin etibarınızı qazanan insanlarla iş görün. Hər bir informasiyanı yoxlayın, qiybətə və şayiələrə reaksiya verməyin. Kimsə məlumatsızlığınızdan istifadə edərək, sizi yanlış yola sürükləməyə çalışa bilər.
Qlobal problemləri həll edərkən xırda detalları nəzərdən qaçırmamağa çalışın. Gözə dəyməyən məqamlara diqqət yetirməyiniz bir çox çətinliklərin öhdəsindən gəlməyə kömək edəcək. İri, amma lazımlı xərcləriniz mümkündür, bunun üçün peşmançılıq çəkməyəcəksiniz.
Milli.Az