İyulun
2-dən 6-na qədər Macarıstanın Kaloça şəhərində XX ənənəvi Dunay mahnı
və rəqs festivalı keçirilmişdir. 10-dan çox ölkədən 30-a yaxın milli
rəqs ansamblının iştirakı ilə keçirilən festivalda Azərbaycan fəxri
qonaq statusunda dəvət almışdır.
Azərbaycanı bu
populyar mədəniyyət bayramında təmsil etmiş Masallı rayonunun məşhur
"Halay" rəqs qrupu və xalq çalğı alətləri ansamblı festival çərçivəsində
canlı musiqinin müşayiəti ilə Azərbaycan rəqslərini nümayiş etdirmiş,
habelə folklor nümunələrinin təqdimatını həyata keçirmişdir. Festival
zamanı ayrıca "Azərbaycan musiqisi gecəsi" təşkil edilmişdir.
Minlərlə
musiqisevərin iştirakı ilə keçirilən festivalda Azərbaycan təmsilçiləri
öz fəallığı ilə seçilmiş, onların iştirakını eyni anda 3 minə yaxın
insan izləmişdir. Kaloca şəhərinin meri Ferents Terek ölkəmizin "Halay"
rəqs qrupu və xalq çalğı alətləri ansamblına şəxsən öz təşəkkürünü
bildirmiş, nümayiş etdirilən Azərbaycan rəqslərinin izləyiciləri valeh
etdiyini demişdir.
Читать полностью: http://news.day.az/society/504491.html
Day.az