Tələbə Qəbulu üzrə Dövlət Komissiyası (TQDK) iyulun 12-də keçirilmiş qəbul imtahanında iştirak edən abituriyentlərə müraciət edib.
TQDK-dan verilən xəbərə görə, iyulun 12-də 2014/2015-ci tədris ili üçün Azərbaycanın ali təhsil müəssisələrinə və tam orta təhsil bazasında (11 illik) orta ixtisas təhsili müəssisələrinə qəbul olmaq istəyən cari ilin məzunları üçün keçirilmiş I və IV ixtisas qrupları üzrə qəbul imtahanının nəticələrinin bu gün axşam saatlarına kimi elan olunması nəzərdə tutulur.
Abituriyentlər imtahan nəticələrinin elan olunmasına dair ilkin məlumatları TQDK-nın internet saytında və ya iş nömrələrini bütün mobil operatorlardan 7727 nömrəsinə göndərməklə tanış ola biləcəklər.
APA