Təzə meyvə-tərəvəz qıtlığı avitaminoz yaradır. Xüsusən də indi, qış
şəraitində. Bu bəlaya qarşı səmərəli mübarizə aparmaq üçün gündəlik
rasiona nə daxil etmək lazımdır?
Avitaminoz yorğunluq, süstlük, depressiv vəziyyət, dırnaqların sınması
və bəzən saç tökülməsi şəklində özünü büruzə verir. Avitaminozun əsas
səbəbləri keyfiyyətsiz və tarazlaşdırılmamış qida, stress, əlverişsiz
ekoloji vəziyyət, qış vaxtı günəş işığının az olması, fiziki və
emosional gərginlik, siqaret çəkmə, spirtli içkilərdən ifrat istifadə,
habelə soyuqdəymə xəstəlikləridir.
Dietoloqlar yaz əhvalını pozan bu xəstəliyə qarşı tarazlaşdırılmış qida vasitəsilə mübarizə aparmağı tövsiyə edirlər.
Orqanizmə lazım olan bütün komponentlər – zülallar, yağlar və
karbohidratlar daxil olmalıdır. Quş və balıq ətindəki vitaminləri
qorumaq üçün onları folqaya büküb bişirmək lazımdır. Menyuya mütləq A,
B, C vitaminləri ilə zəngin olan duzlu kələm daxil edilməlidir.