Bu il oktyabr ayının 26-dan etibarən həftədə iki dəfə olmaqla “Azərbaycan Hava Yolları” Qapalı Səhmdar Cəmiyyəti Bakı-Bişkek-Bakı birbaşa uçuşlarını həyata keçirməyə başlayacaq.
Azərbaycan Respublikasının Qırğız Respublikasındakı səfirliyindən verilən xəbərə görə, artıq AZAL-ın rəsmi saytında Bakı-Bişkek-Bakı reysi üçün onlayn bilet sifariş etmək mümkündür. Saytdakı qrafikə əsasən uçuşlar həftənin bazar günü saat 10:10-da və çərşənbə axşamı saat 20:20-də müasir, komfortlu "Airbus – A320" tipli hava gəmiləri ilə həyata keçiriləcək.
APA