Avropa Liqasının qrup mərhələsinin III turunda səfərdə "Dnepr"ə minimal hesabla qalib gələn “Qarabağ" tarixi ilklərə imza atıb.
İlk dəfə qitə miqyası 2-ci dərəcəli klub turnirində mübarizə aparan Ağdam təmsilçisi qrup mərhələsində qələbə qazanan yeganə Azərbaycan klubu kimi tarixə düşüb.
Bundan başqa, Qurban Qurbanovun yetirmələri qrup mərhələsində səfərdə 3 xala sevinən birinci Azərbaycan komandası olub.
Qeyd edək ki, Avropa Liqasının qrup mərhələsində mübarizə aparan ilk komanda “Neftçi” olub. Lakin 2012-2013 mövsümündə “flaqman” yalnız heç-heçələrlə kifayətlənmişdi.
APA