Qoç - Peşəkar çətinlikləriniz olacaq. Çox önəm verdiyiniz işinizi itirə bilərsiniz. İşgüzar danışıqlarda ehtiyatlı olun, üzərinizə çox şey götürməyə, yerinə yetirməyəcəyiniz vədlər verməyə meyllisiniz. Həmfikir və tərəfdaşlarınızla fikir ayrılıqları mümkündür.
Ailə münasibətləri təzadlıdır. Üzərinizə çox şey götürürsünüz, bu isə ətrafınızdakıları özündən çıxarır. Yaxınlarınıza vacib qərarları müstəqil surətdə qəbul etməyə imkan yaradın, bunun üçün onlar sizə minnətdar olacaqlar.
Buğa - İtkilərlə barışmalı olacaqsınız. İş ortaqları və yaxınlarınızla münasibətlərdə ciddi çətinlik yarana bilər, çoxdankı tərəfdaşlarınızı itirə bilərsiniz. Maliyyə və əmlak məsələlərinin müzakirəsi zamanı münaqişələr mümkündür.
Mənfi tendensiyaların öhdəsindən gəlmək olar. Bunun üçün davranışınızı tamamilə dəyişməlisiniz. Eksperimentlərdən çəkinməyin, yeniliklər ilk baxışdan göründüyü kimi çətin deyil. Yeni bir yerdə işə və ya təhsilə başlamaq üçün münasib gündür, yaradıcı potensialınızı tətbiq etməyə imkan tapacaqsınız.
Əkizlər - Bir çox hərəkət və qərarlarınız ətrafınızdakıları nəinki təəccübləndirəcək, hətta şoka salacaq. Amma bu, münasibətlərə təsir etməyəcək: orijinal və ekstravaqant hərəkətlərinizi sizə bağışlayacaqlar. Alış-veriş edə, sövdələşmələr bağlaya bilərsiniz: intuisiyanız pulla bağlı məsələlərdə səhvsiz işləyir.
Yaxınlarınızla mübahisələr mümkündür, istənilən halda onları özünüzün haqlı olduğunuza inandıracaqsınız. Xüsusilə günün ikinci yarısı taleyüklü görüş və tanışlıqlar mümkündür. Ziyafətlərdə və kütləvi tədbirlərdə iştirak üçün əla gündür.
Xərçəng - İşdə böyük nailiyyətlər qazana bilərsiniz. Öz layihələrinizin prezentasiyası, hansısa yeniliyin tətbiqini təklif etmək üçün münasib gündür. İşlə bağlı müsahibələr uğurlu olacaq.
Gün çox məhsuldar olacaq. Amma istirahət barədə unutmayın: həddən artıq gərgin iş səhhətinizə pis təsir edəcək. Yaşlı qohumlarınızla münasibətlərdə problemlər yarana bilər, sizin qərarlarınız və hərəkətləriniz onlara həddən artıq cəsarətli görünür. Daha gənc olanlar isə sizi təqdir edəcəklər.
Şir - Çox darıxdırıcı gün olacaq. İş burasındadır ki, Şirlər bu gündən nəsə əlahiddə bir şey gözləyirdilər, amma əvəzində xırda məişət problemləri, cüzi çətinliklər və cüzi sevinclərlə qarşılaşacaqlar. Situasiyanı dəyişməyə çalışmayın: sizin düşünülməmiş hərəkətləriniz ucbatından o daha da pisləşə bilər.
Sizə təzyiq göstərməyə çalışan insanların sayı artır. Düzdür, buna kimsə nail ola bilməsə də, emosional narahatlıq keçirə bilərsiniz. Təklikdə qalmaq, hər kəsdən uzaq olmaq arzusu yaranır.
Qız - Peşəkar sahədə xoşagəlməzliklərə hazır olun. Bu gün çətin ki, asan və xoş olsun: bir sıra imtahanla rastlaşacaqsınız. Rəhbərlik işinizi yoxlaya bilər və çox güman ki, sizdən razı qalmayacaq. Cərimə və ya yaxud digər sanksiyalar mümkündür.
Bütün bu xoşagəlməzliklərə kompensasiya kimi yaxınlarınızın xoş münasibəti, o cümlədən köhnə dostlarınızın ağıllı məsləhətlərindən yararlana bilərsiniz. Valideynlərinizə diqqətlə qulaq asın: bu gün onlardan çox vacib bir söz eşidəcəksiniz.
Tərəzi - İtkiləriniz çox olacaq. Sövdələşmələr uğursuz olacaq, imzalanmış müqavilələr də xeyli problem və çox az gəlir gətirir. İşgüzar aktivliyinizi azaldın, çünki onun sizə bu gün heç bir faydası yoxdur. Bunun əvəzində şəxsi əlaqələrdən, faydalı tanışlıqlardan istifadə edərək istəyinizə nail ola bilərsiniz.
Ailə işləri xeyli vaxt alır. Başqalarının problemlərini həll edir, öz iş-gücünüzü unudub sizin üçün dəyərli olan insanların həyatında səliqə-səhman yaradırsınız. Günün ikinci yarısı sevdiyiniz şəxsə qarşı həddən artıq diqqətli olun.
Əqrəb - Günün perspektivləri pis deyil. Nə qədər çox köməkçi tapsanız, bunlar bir o qədər də yaxşılaşacaq. Müstəqil fəaliyyət və sərbəst qərarlar vermək məsləhət deyil. Yalnız əmlak və maliyyə məsələləri istisnadır - burada özünüzə güvənə bilərsiniz.
İdeyalarınız yaxşıdır, amma heç də hər zaman dəstək görmür, çünki izahat verməyə meylli deyilsiniz və suallara da aydın cavab vermirsiniz. Daha çox danışmağa çalışın, o zaman sizi mütləq dinləyəcək və anlayacaqlar. Ziyafətlərdə iştirak edə bilərsiniz.
Oxatan - Keçmişə qayıtmaqdan: yaşanmışları təkrar etməkdən, köhnə səhvləri düzəltməkdən qorxmayanlar üçün yaxşı gündür. Digərlərini isə xatirələr, keçmişlə bağlı eyhamlar narahat edəcək. Köhnə tanışlarınızla görüşlər sizi düzgün yol seçib-seçmədiyiniz barədə düşünməyə vadar edəcək.
Xüsusilə yaxın olduğunuz insanlarla fikir ayrılıqları yaranır. Təsadüfi tanışlar, iş yoldaşları və dostlarınızla isə dil tapmaq çox asandır. Sevdiyiniz şəxsə sizi narahat edən problemlərdən danışmaq istəyirsiniz. Amma yaxşı olar ki, bu gün bunu etməyəsiniz.
Oğlaq - Çox ünsiyyətcil və cazibədarsınız, bu səbəbdən yeni tanışlıqlar mümkündür. Ancaq köhnə əlaqələr də diqqətəlayiqdir: yaxşı imkanı əldən verməyin, yaxın münasibət qurmaq istədiyiniz insanlara özünüz haqda kiçicik xatırlatma edin.
Günorta yorucu işlərlə məşğul olacaq, axşama doğru isə tamamilə əldən düşdüyünüzü hiss edəcəksiniz. Sakit istirahət məsləhətlidir. Ziyafətlərdən imtina edin. Axşam vaxtı gəzinti yuxusuzluğun öhdəsindən gəlməkdə kömək olar.
Dolça - Sizi və yaxınlarınızı çoxdan bəri narahat edən problemi həll etmək üçün yaxşı şərait yaranıb. Çevik və effektiv hərəkət edərək, boş söhbətlərə və şübhələrə vaxt sərf etməyin. İstənilən danışıqlar üçün yaxşı gündür, əcnəbilərlə görüş isə həddən artıq əla keçəcək.
Yaradıcı planlarınızı həyata keçirə bilərsiniz. Ancaq onlar mütləq orijinal olmalı və məhz sizə məxsus olmalıdır. Özgələrinin ideyalarını mənimsəməyə çalışmayın. Başqasını kor-koranə təqlid etmək təhlükəli ola bilər.
Balıqlar - Diqqətli və qətiyyətli olun: bürcün bir çox nümayəndələri üçün gün taleyüklü görüşlər vəd edir, amma münasibətlərin əsasını qoymaq üçün təşəbbüs göstərmək lazımdır. Uzun müddətdən bəri bir yerdə olan cütlüklər həyatlarını bir qədər rəngarəng etsələr, pis olmaz: bu, aranızda olan münaqişə və mübahisələrə son qoya bilər.
Alış-verişiniz uğurlu olacaq. Günün ikinci yarısı ziyafətlərə, yaxud səfərə gedə bilərsiniz. Amma axşam tez yatmağa çalışın.
Milli.Az