Azərbaycanın “Eurovision-2012” mahnı müsabiqəsindəki təmsilçisi Səbinə Babayevanın müsabiqə mahnısının Azərbaycan versiyası təqdim olunub. Mahnının Azərbaycan versiyası “Gəl” adlanır.
Mahnının Azərbaycan versiyasını Teymur Məmmədov hazırlayıb. Xatırladaq ki, “When The Music Dies” mahnının müəllifləri isveçli Anders Bagge, Sandra Bjurman, Stefan Örn, Johan Kronlunddur. Mahnıda Azərbaycan milli musiqi alətləri - kamança, balaban, dəf və qaval alətlərinin səsi, eləcə də unikal muğam vokal ifasının elementlərindən istifadə olunub. Muğam partiyasını isə Alim Qasımov ifa edir.
Azərbaycanın müsabiqədəki mahnısının akustik versiyası da hazırlanıb. Bu versiya iki gitaranın ifası ilə yazılıb. Mahnının caz versiyası da hazırlanır ki, bu da yaxın vaxtlarda təqdim olunacaq.
Audio (Azəri versiya)
Audio (Akustik versiya)
APA