“Azercell” Novruz Bayramı ərəfəsində yeni Azercell fakturasız xətt nömrələri və nömrə daşınması xidməti çərçivəsində nömrələrini Azercell fakturasız xətt sisteminə daşıyan abunələçiləri üçün yeni kampaniyaya start verib.
Şirkətdən verilən məlumata görə, “Azercell-ə gəl, hər ay pulsuz 5 saat qazan” kampaniyası 2015-ci il 3-31 mart tarixləri arasında keçirilir.
Kampaniyanın keçiriləcəyi bu müddət ərzində SimSim nömrəsi aktivləşdirən hər kəs ayda ən azı 5 AZN yükləməklə, 6 ay boyunca hər ay pulsuz 5 saat şəbəkədaxili danışıq imkanı əldə edəcək. İstifadə müddəti 7 gün olan hədiyyə saatları şəbəkədaxili zənglər üçün nəzərdə tutulub.
Onu da qeyd edək ki, abunəçi nömrədə mövcud Bizimkilər tarif paketini dəyişdiyi halda, kampaniyada iştirakı dayandırılır.
Gün.az