Qoç - Hadisələri tələsdirməyin və neqativ emosiyalara uymayın. Diqqəti cəmləşdirməyiniz çətin olacaq. Amma bu, özünüzə hirslənmək üçün əsas deyil. Ümumiyyətlə, bütün emosiyaları kənara qoymaq və istisnasız olaraq məntiqlə hərəkət etmək pis olmazdı. Xüsusilə günün ikinci yarısında miqren mümkündür. Səhhətinizdəki problemlər əsəb gərginliyi nəticəsində əmələ gələcək.
Yaxınlarınız çox çalışsalar da, sizi hər zaman düz başa düşmürlər. Siz qərarlarınızı izah etməyə, hərəkətlərinizin motivlərini açıqlamağa meylli deyilsiniz. Bu, anlaşılmazlıqlara gətirib çıxarır və qəribə vəziyyətlərə səbəb olur.
Buğa - Neqativ tendensiyaların təsiri azalmağa doğru gedir, rahat nəfəs almaq olar. Bu günlərdə sizi narahat edən problemlər gözlənilmədən öz-özünə həll olunur və sizin səy göstərməyinizə ehtiyac qalmır. Pul almağınız mümkündür. İş təklifi ala bilərsiniz. Onu qəbul etməklə maddi vəziyyətinizi xeyli yaxşılaşdıra bilərsiniz.
Həyat potensialı bir qədər aşağıdır. Həddindən artıq yorğunluq əhval-ruhiyyənizin pisləşməsinə səbəb ola bilər. Amma yükü düzgün paylaşdırsanız, axşamadək özünüzü pis hiss etməyəcəksiniz.
Əkizlər - Üç uğursuz gündən birincisidir. Mənfi tendensiyalar özünü açıq şəkildə göstərəcək və bu, bürcün bir çox nümayəndələrini qəfil yaxalayacaq. Siz hələ də öz uğurunuza inanırsınız. O isə artıq sizə xəyanət edir. Planlar qurarkən ehtiyatlı və ağıllı olun. Planlar pula aiddirsə, bu, xüsusilə vacibdir: ciddi itkilər mümkündür.
Ünsiyyətdə ehtiyatlılıq lazımdır – təsadüfi tanışlıqlar xoşagəlməzliklərə səbəb olar bilər. Vəd verməməyə, üzərinizə məsuliyyət götürməməyə çalışın. Yaxın günlərdə hərəkət sərbəstliyi sizə çox lazım olacaq.
Xərçəng - Uğur sizə gülür. Çox maraqlı və xoş gündür. Müttəfiqlərinizin dəstəyinə bel bağlaya bilərsiniz. Bu dəstək sayəsində bir çox peşə problemlərini həll edə biləcəksiniz. Danışıqlar üçün çox münasib gündür. Hətta əks mövqedə olan adamlar da sizin haqlı olduğunuzu etiraf edəcəklər.
Gözlənilməz görüşlər, xoş sürprizlər mümkündür. Şəxsi xarakterli sualların çoxdan gözlədiyiniz cavabını almaq şansı var.
Şir - Bu gün sizinki dəhşətli şəkildə gətirmir. Hətta ən sadə məsələləri də həll etmək mümkün olmayacaq. Yaşlı nəslin nümayəndələri, eləcə də sizə nəyi necə etməyin lazım olduğunu söyləməyi lazım bilən rəhbərlik və digər şəxslərlə münaqişələr istisna deyil.
Uğurlu bazarlıq mümkündür. Mağazalarda parlaq rəngli əşyalara diqqət yetirmək lazımdır – onlar ovqatınızı yüksəltməyə kömək edəcək. Günün ikinci yarısı iri xərclər vaxtıdır.
Qız - Əvvəllər başladığınız işləri başa çatdırmaq üçün münasib gündür. Düzdür, çətin məsələləri həll etmək üçün zəhmət çəkməli olacaqsınız. Amma can atdıqlarınıza nail olacaq və ziyanda qalmayacaqsınız. Danışıqlar pis keçməyəcək. Özünə güvənən və cazibədar Qızların nüfuzlu himayədar tapmaq şansı var.
Yaxınlarınızın arzularına ciddi yanaşmağa çalışın. Ailə işlərində iştirakdan imtina etməyin. Dəyər verdiyiniz insanların özlərini rahat hiss etməsi və sabaha inamı itirməməsinin qayğısına bu gün məhz siz qalmalısınız.
Tərəzi - Rəhbərliklə ciddi fikir ayrılıqları mümkündür. Lakin emosiyaya uymasanız, haqlı olduğunuzu sübut edə bilərsiniz. Həmkarlarınıza qarşı tənqidi iradlardan (o cümlədən, sizə konstruktiv gələnlərdən) çəkinmək məsləhətdir.
İri bazarlıqlar etmək, onlarsız da keçinməyin mümkün olduğu şeylərə pul xərcləmək tövsiyə olunmur. Bu gün əks cinsin nümayəndələri ilə ünsiyyət üçün münasibdir. Flirt imkanını əldən buraxmayın: həm həzz alacaqsınız, həm də istəsəniz, yeni romanın əsasın qoya biləcəksiniz.
Əqrəb - Əlverişli gündür. İntuisiyanıza güvənin – bu gün o sizi lazım olan yerə aparacaq. Maraqlı kəşflər mümkündür. Dəyərli və vacib informasiya almağınız da istisna deyil. İşgüzar müttəfiqlərinizlə münasibətlər yaxşı olacaq, sizin ideyalarınız dəstək qazanacaq.
Asudə vaxtınızdan istədiyiniz kimi istifadə edə bilərsiniz – ulduzlar istənilən halda sizə dəstək və müsbət emosiya vəd edirlər. Əgər romantik macəralara hazırsınızsa, səyahətə yollanın: yol yoldaşlarınızdan şikayətiniz olmayacaq.
Oxatan - Asan olmayacaq. Buna heç ümid də etməyin. Bircə şey yaxşıdır ki, qarşınıza yalnız gücünüz çatası əngəllər çıxacaq. Eksperimentlər etmək, yenilikləri yoxlamaq olar. Amma çox ehtiyatla. Təsəvvür edin ki, minalı sahədə gəzirsiniz. Bu gün həyatda məhz bu tərzdə və bu sürətlə hərəkət etməli olacaqsınız.
Yaxınlarınızla fikir ayrılıqları təhlükəsi var. Ciddi münaqişələr də istisna deyil. Siz baş verənləri ürəyinizə salırsınız. Yaxınlarınız bunu hiss edirlər. Onlar sizi sadəlövhlükdə günahlandıra bilərlər.
Oğlaq - Özünüzü sakit və inamlı hiss edəcəksiniz, narahatlıq üçün səbəb yoxdur. Bu gün peşə fəaliyyəti, o cümlədən, ən ağır işlər üçün münasibdir. Əgər son günlər nəyisə çatdıra bilməmisinizsə və ya hansısa işiniz yarımçıq qalıbsa, onlara bu gün qayıdın – hər şeyin öhdəsindən gələcəksiniz. Maraqlı işgüzar təkliflər mümkündür. Əməkdaşlığa başlamaq üçün əlverişli gündür.
Gəzintilər, ekskursiyalar tövsiyə olunur. Bu, əhval-ruhiyyənizi yaxşılaşdıracaq, yüksək həyat tonusunu qorumağa kömək edəcək. Romantik münasibətlərin başlanması istisna deyil. Amma siz, çətin ki, başınızı itirəsiniz.
Dolça - Əvvəlki iki günlə müqayisədə bir qədər uğursuz olsa da, pis gün deyil. Hədəfə çatmaq üçün sizdən inadkarlıq tələb olunur. İşlə bağlı danışıqları, müsahibələri bu günə təyin etmək olar: yaxşı təəssürat yaradacaqsınız.
Şəxsi həyatda işlər bir qədər pisdir. Sizin üçün dəyərli olan insanlarla dil tapmaq çətin olacaq. Sevdiyiniz adamla mübahisələr mümkündür. Bəzi Dolçalar düzgün seçim etdiklərindən şübhələnməyə başlayacaqlar.
Balıqlar - Gün müsbət tendensiyaların güclü təsiri ilə fərqlənəcək, baş verən hadisələr, yəqin ki, sizə sevinc bəxş edəcək. Vaxtınızı hədər yerə itirməyin: bu gün çox, lap çox şeyə nail ola bilərsiniz. Peşəkar həyatda nəyisə köklü şəkildə dəyişdirmək, mövqeləri möhkəmləndirmək və bədxahları zərərsizləşdirmək şansı var.
Yəqin ki, gün aşiq Balıqların xoşuna gələcək. Onları xeyli xoş sürpriz gözləyir. Pul gəlirləri mümkündür.
Milli.Az