Qoç - Ünsiyyətdən qaçırsınız, əsəbisiniz, hətta həmfikirlərinizlə də ortaq nöqtəyə gələ bilmirsiniz. Yox yerdən narazılıqlar yaranır və saatlar keçdikcə böyüyür, ciddiləşir. Səhərçağı hansısa razılığa gəlmək mümkündür, günün ikinci yarısı isə təmasları, ünsiyyəti minimuma endirməyə çalışın.
Şəxsi həyatınızda gözlənilməz dəyişikliklər mümkündür. Bəzi xəbərlər planlarınızı ciddi surətdə dəyişməyə vadar edəcək. İnadcıllıq etməyin: bu gün alternativ çıxış yolu aramaq əvəzinə gücünüzü lazım olmayan yerə sərf etməyə meyllisiniz. Bu gün çiçək almanız faydalı olacaq, həm otaqlarınızı, həm də bağçanızı bəzəyin.
Buğa - Çox gözəl gündür. Emosional, intuisiyasına güvənən insanlardan fərqli olaraq, məntiqinizə və ağlınıza etibar edərək bütün çətinliklərin öhdəsindən gələcəksiniz. Ünvanınıza deyilən hər bir tənqidə ciddi fikir verin, analiz edin, faydası var.
Sizin qayğınız və diqqətiniz yaxınlarınızın ürəyincə olacaq. Evdəki sülh, sakit ab-hava sizdən asılı olacaq. Öz yarısı ilə dil tapmağa ümidini itirmiş Buğaların işləri yoluna düşəcək: romantika aşıb-daşır.
Əkizlər - Xoş xəbərlər alacaqsınız. Əldə etdiyiniz məlumat isə bir neçə vacib məsələni həll etməyinizə imkan verəcək. Vaxtı itirmək olmaz, nə qədər çevik olsanız, bir o qədər yaxşıdır. Başqalarının məsuliyyətini boynunuza götürməli, sərbəst, təcrübəli və bilikli hesab etdiyiniz insanları idarə etməli olacaqsınız. Bu elə də asan deyil,gərəksiz yerə narahat olacaqsınız, amma sonu yaxşı olacaq.
Alış-verişə çıxa bilərsiniz. Parlaq rəngli geyim almağa çalışın. Bu gün aldığınız, yaxud sizə verilən oyuncaq, yaxud heykəlcik isə sizin talismanınız olacaq.
Xərçəng - Etiraf edin ki, imkanlarınız hüdudsuz deyil. Əgər bunu qəbul etsəniz, bir çox gərəksiz işlərdən, əziyyətlərdən yaxa qurtara bilərsiniz. Əksinə, inad göstərsəniz, həm vaxtınızı, həm də gücünüzü itirəcəksiniz. Nəticəyə nəzər salmağınız da pis olmaz - bunumu istəyirdiniz, yaxud əldə etdiyinizə bu qədərmi ehtiyacınız vardı?
Tərəfdaşlarınızı və həmfikirlərinizi itirirsiniz. Şəxsi münasibətlərinizdə də bu tendensiya davam edəcək: bəzi əlaqələriniz sizdən asılı olmayan səbəblərə görə dağıla bilər. Özünüzü günahlandırmayın. Olanları sakit analiz etmək indi çətindir, amma sonra bu vəziyyətə yenidən qayıdın, hər şey yerinə oturacaq.
Şir - Özünüzü ələ alın, buna bu gün borclusunuz. Emosional fon çox gərgindir, tez-tez özünüzdən çıxır, əsəbləşir, hövsələsizlik nümayiş etdirirsiniz. Sizinlə yola getmək çətindir. Dilinizi saxlamağı da bacarmırsınız. Çox nahaq.
Yalnız ən yaxın adamlarınızı instinktiv olaraq öz dağıdıcı təsirinizdən qoruya bilirsiniz. Amma bu o qədər də uğurlu alınmır: gah deyilməsi vacib olanları gizləyirsiniz, gah da sirləri faş edirsiniz.
Qız - Müsbət tendensiyaların təsiri əvvəlkitək güclüdür. Bunlardan maksimum yararlanmağa çalışın, axşama doğru şansınız qalmaya bilər. Bu günə görüşlər təyin edə bilərsiniz, amma bunların hər biri üçün ciddi hazırlanmağınız gərəkdir: iti ağlınıza və improvizə qabiliyyətinizə güvənməyin, bu gün onlar «başqa işlə məşğuldurlar».
Hesablamalar və rəqəmlərlə bağlı işlər xüsusi diqqət tələb edir. Hər şeyi iki-üç dəfədən yoxlayın. Çox xırda bir səhv sizə baha başa gələ bilər. Qiymətli hədiyyələr mümkündür. Bunların gözlənilməz olması onları daha da xoş edəcək.
Tərəzi - Uğursuzluq nə qədər çoxalırsa, siz də bir o qədər şansınıza güvənirsiniz. Yalnız öz gücünə güvənən, zəhmət çəkməyə hazır olan Tərəzilər yaxşı nailiyyətlər əldə edəcəklər. Ətrafınızdakılara yardım etməyə, onları ardınızca aparmağa hazır olun.
Parlaq emosiyalar, yaddaqalan hadisələr axtarışındasınız, amma şəxsi həyatınızda, təəssüf ki, bir süstlük yaşanır. Sabitliyin də öz üstünlüyü var, ən azından, gələcək planlarınızı götür-qoy edə bilərsiniz. Enerjiniz çoxdur, işlərdən çəkinməyin.
Əqrəb - Sizdən çeviklik tələb olunur - itkilərdən yaxa qurtarmağın ən optimal yolu budur. Rəqibləriniz və bədxahlarınız sizi daban-dabana izləyirlər, onlardan qurtulmaq getdikcə çətinləşir. Təəssüf ki, güc sizin tərəfinizdə deyil, odur ki, hiyləyə əl atmalı olacaqsınız. Amma istənilən halda, qarşıdurmadan çəkinməniz pis olmaz.
Yaxınlarınızla münasibətləri aydınlaşdırmağa çalışmayın. Mürəkkəb məsələləri həll etməyin, ümumiyyətlə, özünüzü dostcasına, mehriban aparın. Bu, gərəksiz qınaqlardan və narahatlıqlardan sizi qoruyar.
Oxatan - Yaranan çətinliklərin hamısını aşa biləcəksiniz. İş ortaqlarınıza, həmkarlarınıza və həmfikirlərinizə xüsusi diqqət ayırmalısınız. Münasibətlərdəki müəyyən soyuqluq hələlik sizi narahat etmir, çünki bütün problemlərin öhdəsindən təkbaşına gələ bilirsiniz, amma «divarı» indi yıxsanız, sonra çətin anınızda yalnız qalacaqsınız.
Yaşlı qohumlarınızın məsləhətləri, onlara ciddi yanaşmasanız da, faydalı olacaq. Ümumiyyətlə, bu gün başqasının təcrübəsini gözdən keçirərək ondan öz faydanıza olan bəzi məqamları əxz etməniz pis olmaz.
Oğlaq - Yeni təəssürat yanğısı bir çox Oğlaqları düşünülməmiş hərəkətlərə sövq edir. Bu gün çox emosionalsınız. Sakit təbiətli insanlar bu səbəbdən sizinlə dil tapa bilmirlər. Tərəfdaşlarınız və iş ortaqlarınızla fikir ayrılıqları mümkündür. Əvvəllər sizi hər bir işdə sözsüz dəstəkləyən insanla da aranız dəyə bilər.
Digər bir tərəfdən isə uzun sürən bir münaqişəyə son qoya bilərsiniz. Ancaq əvvəlki düşmənlərinizi dost hesab eləməyə tələsməyin, çünki onlar sizə çox güclü bir zərbə endirməyə hazırlaşırlar.
Dolça - Dolçalar üçün neytral bir gündür. Özünüzü çox rahat hiss edir və uğursuz gələcəyi olan işlərdən qaça bilirsiniz. Hansısa bir layihə sizə uğurlu görünürsə, tələskənlik və ajiotajsız, az qüvvə sərf edərək onun gerçəkləşdirilməsi üçün bütün vasitələrdən istifadə edə biləcəksiniz.
Səfərlər məsləhət deyil: onlar həyəcanlı, narahat keçəcək, səhhətinizə təsir edəcək. Evdə otursanız, köhnə dost-tanışlarınızın əhatəsində olsanız, daha yaxşı olar. Borc verməyin, kreditə mal almayın.
Balıqlar - Balıqlar üçün elə də uğurlu gün sayılmaz. Çünki siz əziyyətsiz uğur arzusundasınız, amma nahaq yerə. Zəhmət çəkməlisiniz, bunsuz heç bir nailiyyət əldə edə bilməyəcəksiniz. Güclü və nüfuzlu insanlarla döyüşməkdən çəkinin. Köhnə əlaqələrdən istifadə edərək öz mövqelərinizi bərkitmək istəyiniz iflasa uğrayacaq.
Yaxınlarınızla dil tapmaq çətin olacaq. Onlar bu gün daha çox ünvanınıza tənqid səsləndirəcəklər, hətta tərifə layiq olduğunuz məqamlarda da qınaq eşidəcəksiniz. Bütün iradları ürəyinizə salsanız, axşama doğru özünüzə inamı itirəcəksiniz.
Milli.Az