Bu ilin mart ayı ərzində Bakı Metropolitenindən 17 mln. nəfər sərnişin yararlanıb ki, bu da əvvəlki aya nisbətən 12,6% çoxdur.
Dövlət Statistika Komitəsindən verilən məlumata görə, cari ilin yanvar-mart aylarında metrodan 47,5 mln. nəfər istifadə edib. Bu isə ötən ilin analoji dövrü ilə müqayisədə 8,7% çoxdur.
Xatırladaq ki, 1967-ci ildə istifadəyə verilmiş Bakı Metropoliteninin hazırda 23 stansiyası və 1 deposu var.
APA