Finlandiyanın telefon istehsalçısı “Nokia” şirkəti yeni qurğularının zəngi üçün musiqinin yazılmasına dair müsabiqə elan edib. Rabitə və İnformasiya Texnologiyaları Nazirliyinin rəsmi saytına istinadən verdilən məlumata görə, şirkət öz istehsalı olan mobil telefonlar üçün 17 ildən bəri istifadə edilən və dünyada məşhur olan “Nokia Tune” klassik melodiyasını dəyişmək niyyətindədir. Müsabiqə iştirakçılarına zəng tonunun yeni versiyasının yaradılması təklif olunur. Zəng “yeni, mənalı və orijinal” olmalıdır, lakin bununla belə, musiqidə “Nokia Tune” melodiyası hiss edilməlidir. Müsabiqənin qalibi 10 min dollarla mükafatlandırılacaq, yeni melodiyadan isə 2012-ci ildə satışa çıxarılacaq Nokia telefonlarında istifadə ediləcəyi planlaşdırılır. Şirkət üsabiqədə ikinci-altıncı yerləri tutan melodiya müəlliflərinin hər birinə də 1000 dollar ödəməyi nəzərdə tutur. Qeyd etmək lazımdır ki, müsabiqə sentyabrın 5-də başlayıb, oktyabrın 4-də başa çataq.