Ləğv olunan avtobusların yerinə yeni marşrut avtobusları istifadəyə verilə bilər.
Marşrut avtobuslarının istiqamətlərində edilən dəyişikliklər həmin ərazidə yaşayan sakinlərin narazılığına səbəb olur. Narazılığa səəbəb isə Nəsimi rayonu 4-cü mikrorayon 20 yanvar küçəsindən 57 və 16 saylı avtobusların artıq həmin ərazidən keçməməsidir. Sakinlər bildirirlər ki, marşrut xətlərində edilən dəyişikliklər səbəbindən əvvəlkindən qat-qat artıq xərc çıxır.
Məsələyə münasibət bildirən ekspert Azər Allahverənovun fikrincə, şəhərin elə yerləri var ki, insanlar əvvəllər də marşrut qıtlığından əziyyət çəkirdilər. Marşrut istifadəyə verilən zaman həmin ərazidə yaşayan əhalinin sıxlığı mütləq nəzərə alınmalıdır. Bunun üçün sıx olan yerlərə avtobuslar daha çox xəttə buraxılmalıdır.
Nəqliyyat Nazirliyinin rəsmisi Şəfa Mehmanqızı isə elə düşünür ki, ehtiyac olmayan bəzi marşrut xətləri ləğv olunur. Elə ərazilərdə var ki, həqiqətən, marşrut ayrılmasına ehtiyac var. Hələlik bu istiqamətdə işlər aparılır.
Nəqliyyat Nazirliyinin sözçüsü onu da qeyd etdi ki, yaxın müddət arzində 13 marşrut xətti istifadəyə veriləcək. Bu isə həmin çatışmazlıqların xeyli hissəsini aradan qaldıracaq.
Milli.Az