Parisdə Beynəlxalq Tərcüməçilər Federasiyası (BTF) Şurasının növbəti illik toplantısı keçirilib.
Gənclər və İdman Nazirliyinin dəstəyi ilə Azərbaycan Gənc Tərcüməçilər Assosiasiyasının sədri İsmayıl Cəbrayılov və AZƏRTAC-ın nümayəndəsi tədbirdə iştirak edib.
Şuranın illik toplantısında BTF-nin 2015-ci ildə fəaliyyəti müzakirə olunub, işçi qrupların, komitələrin, Şura üzvlərinin hesabatları dinlənilib və fəaliyyətləri qiymətləndirilib.
Tədbirdə yeni təşkilatların üzvlük üçün müraciəti nəzərdən keçirilərək müvafiq qərarlar qəbul edilib.
Müzakirələr zamanı BTF-nin 2016-cı il üzrə fəaliyyət planı təsdiq olunub, qarşıda duran vəzifələr, prioritetlə müəyyənləşdirilib. Eyni zamanda dünyanın müxtəlif ölkələrində tərcüməçilərin hüquqları və mənafelərinin qorunması ilə bağlı məsələlərə diqqət yetirilib.
Qeyd edək ki, 2012-ci ildə BTF-nin müşahidəçi üzvü olan AGTA 2014-cü ilin avqustunda Ümumdünya Tərcümə Konqresində beynəlxalq federasiyanın tamhüquqlu üzv qəbul edilib və həmin tarixdən AGTA-nın sədri İ.Cəbrayılov 3 il müddətinə federasiyanın şurasına üzv seçilib.
lent.az