Hərbiçilər “BakuBus” MMC-yə məxsus avtobuslardan pulsuz istifadə edə bilərlər.
Bu barədə “BakuBus” MMC-nin mətbuat xidmətinin rəhbəri Nuridə Allahyarova məlumat verib. Onun sözlərinə görə “Hərbi qulluqçuların statusu haqqında Azərbaycan Respublikasının Qanunu”na əsasən müddətli həqiqi hərbi xidmət qulluqçuları sərnişin nəqliyyatının bütün növlərindən (taksidən başqa) pulsuz istifadə edə bilərlər.
N.Allahyarova bildirib ki, hərbiçilər onların bu hüququna əməl etməyən “BakuBus”un sürücüləri ilə bağlı *4242 Çağrı Mərkəzinə məlumat verə bilərlər.
azertag.az