İyunun 12-də İstanbulda Türkiyənin “Ekovitrin” jurnalının ənənəvi
sorğusunda respondentlərin 2011-ci ilin qalibi seçdikləri şəxslərə
mükafatların təqdim edilməsi mərasimi keçirilib.
Mərasimdə
jurnalın sahibi Kamran Abaçıoğlu keçirilən sorğunun iki ay davam
etdiyini, 34 nominasiya üzrə 102 siyasət, biznes, incəsənət və elm
xadiminə 251 min 562 səs verildiyini bildirib.
Sorğunun
nəticələrinə görə, Azərbaycanın birinci xanımı, Heydər Əliyev Fondunun
prezidenti, millət vəkili Mehriban Əliyeva “İlin birinci xanımı”
nominasiyasının qalibi olub.
Birinci xanımın mükafatını İslam
Əməkdaşlıq Təşkilatının baş katibi Ekmələddin İhsanoğlu və Kamran
Abaçıoğludan Heydər Əliyev Fondunun icraçı direktoru Anar Ələkbərov
qəbul edib.
Jurnalın sorğusunda “İlin naziri” nominasiyasında
Türkiyənin mədəniyyət və turizm naziri Ərtoğrul Günay, “Beynəlxalq
diplomatiya” nominasiyasında isə İslam Əməkdaşlıq Təşkilatının baş
katibi Ekmələddin İhsanoğlu qalib olub.
Türkiyənin nüfuzlu
universitetlərinin rektorları Mustafa Aydın, Sezer Şener, “Çalık İnşaat”
şirkətinin sahibi Əhməd Çalık, İstanbulun Şişli rayonunun bələdiyyə
sədri Mustafa Sarıgül və digər nüfuzlu şəxslər də mükafatçılar
sırasındadır.
Tədbirdə Türkiyənin hökumət rəsmiləri, beynəlxalq
təşkilatların nümayəndələri, millət vəkilləri, Türkiyənin və dünyanın
nüfuzlu iş adamları iştirak ediblər.
APA