Azərbaycanın ev sahibliyi etdiyi “Eurovision-2012” mahnı müsabiqəsində münsiflər heyətinin və tamaşaçıların ayrı-ayrılıqda səsverməsinin nəticələri açıqlanıb. Həm tamaşaçı, həm münsiflərin rəyinə əsasən İsveç təmsilçisi Lorin (Loreen) birincidir. Ümumilikdə 372 bal toplayan Lorin tamaşaçılardan 343, münsiflərdən 296 bal alıb.
“Eurovision-2012”nin ikincisi olan Rusiya təmsilçiləri “Buranovskiye babuşki” qrupu ümumilikd’ 259 bal toplayaraq məhz tamaşaçıların səsverməsinə görə bu yerə layiq görülüb. Münsiflər heyətinin səsverməsində Rusiya təmsilçiləri 94 balla sadəcə 11-ci yeri tuta biliblər.
3-cü yerin sahibi Serbiya təmsilçisi Jelko Yoksimoviç (ümumi 214) tamaşaçılardan 211 bal, münsiflərdən 173 bal alıb. Münsiflər heyəti Serbiya təmsilçisini 2-ci sırada görüb.
Müsabiqəyə ev sahibliyi edən Azərbaycan təmsilçisi Səbinə Babayeva ümumi 150 bal toplayıb. Tamaşaçılar təmsilçimizə 151 bal verərək onu 5-ci yerə, münsiflər isə 118 bal verərək 8-ci yerə layiq görüblər.
İlk beşliyi tamamlayan Albaniya təmsilçisi Rona Nişliuya (ümumi 146) tamaşaçılar 106 bal (8-ci yer), münsiflər heyəti 157 bal (3-cü yer) verib.
6-cı yeri qazanan Estoniya təmsilçisinə (ümumi 120) tamaşaçılar 78 bal (12-ci yer), münsiflər heyəti 152 bal (6-cı yer) verib. 7-ci sırada qərarlaşan Türkiyə təmsilçisi Can Bonomoya tamaşaçılar 176 bal verərək onu 4-cü yerə, münsiflər isə 50 bal verərək 22-ci yerə layiq biliblər.
Yarışmanın səkkizincisi Almaniya təmsilçisi Roman Lob (ümumi 110 bal) tamaşaçılar tərəfindən 125 balla 6-cı yerə, münsiflər heyəti tərəfindən isə 98 balla 10-cu yerə layiq görülüb. 9-cu sırada olan İtaliya təmsilçisi Nina Zilli (ümumi 101) tamaşaçılardan 56 bal alaraq 17-ci, münsiflər heyətindən 157 bal toplayaraq 4-cü olub.
Ümumi nəticə | Tamaşaçı səsverməsi | Münsif səsverməsi |
10 İspaniya - 97 bal | 45 bal – 18-ci yer | 154 bal – 5-ci yer |
11 Moldova – 81 bal | 75 bal – 13-cü yer | 104 bal - 9-cu yer |
12 Makedoniya – 71 bal | 79 bal – 11-ci yer | 69 bal – 17-ci yer |
13 Rumıniya – 71 bal | 117 bal – 7-ci yer | 53 bal – 20-ci yer |
14 Litva – 70 bal | 68 bal – 14-cü yer | 82 bal – 14- cü yer |
15 Kipr – 65 bal | 63 bal – 15-ci yer | 85 bal – 12-ci yer |
16 Ukrayna – 65 bal | 37 bal – 20-ci yer | 125 bal – 7-ci yer |
17 Yunanıstan – 64 bal | 89 bal – 9-cu yer | 60 bal – 18-ci yer |
18 Bosniya və Hersoqovina – 55 bal | 57 bal – 16-cı yer | 71 bal – 15-ci yer |
19 İslandiya – 46 bal | 39 bal – 19-cu yer | 53 bal – 19-cu yer |
20 İrlandiya – 46 bal | 89 bal – 10-cu yer | 14 balla – 25-ci yer |
21 Malta - 41 bal | 10 bal – 25-ci yer | 70 bal 16-cı yer |
22 Danimarka – 21 bal | 18 bal – 23-cü yer | 51 bal – 21-ci yer |
23 Fransa – 21 bal | 0 bal – 26-cı yer | 85 bal – 13-cü yer |
24 Macarıstan – 19 bal | 20 bal – 22-ci yer | 30 bal – 23-cü yer |
25 Böyük Britaniya – 12 bal | 36 bal – 21-ci yer | 11 bal – 26-cı yer |
26 Norveç – 7 bal | 16 bal – 24-cü yer | 24 bal – 24-cü yer |
Qeyd edək ki, “Eurovision” mahnı müsabiqəsinin qalibi münsiflər və tamaşaçıların səsverməsi ilə 50/50-yə təyin olunur.
APA