Tələbə Qəbulu üzrə Dövlət Komissiyası iyunun 18-də Xocavənd, Yevlax, Ağcabədi, Ağdam, Bərdə, Tərtər, İmişli, Saatlı, Sabirabad, Füzuli, Zərdab və Beyləqan şəhərlərində orta ümumtəhsil müəssisələrinin XI və IX sinif şagirdləri üçün keçirilən buraxılış imtahanlarının nəticələrini açıqlayıb.
Komissiyanın mətbuat xidmətindən APA-ya verilən məlumata görə, buraxılış imtahanlarının nəticələri TQDK-nmın rəsmi internet saytında yerləşdirilib. Tam orta təhsil bazasında (11 illik) keçirilmiş buraxılış imtahanında ana dili və riyaziyyat fənlərinin hər biri üzrə ayrılıqda test tapşırıqlarına verdiyi düzgün cavablarının sayı 5-dən az olmayan şagirdlər müvafiq fənn üzrə müvəffəq qiymət alırlar.
Şagirdlərin fənlər üzrə düzgün cavablarının sayının 5 ballıq qiymət şkalasına (2, 3, 4, 5) uyğunluğu aşağıdakı cədvəldə təqdim olunur:
Qiymət | Fənlər üzrə düzgün cavabların sayı |
Ana dili
(Azərbaycan bölməsi) | Rus dili
(rus bölməsi) | Riyaziyyat |
2 | 0-4 | 0-4 | 0-4 |
3 | 5-16 | 5-16 | 5-15 |
4 | 17-25 | 17-24 | 16-25 |
5 | 26-30 | 25-30 | 26-30 |
Ümumi orta təhsil bazasında (9 illik ) keçirilmiş buraxılış imtahanında
Ana dili və riyaziyyat fənlərinin hər biri üzrə ayrılıqda test
tapşırıqlarına verdiyi düzgün cavablarının sayı 5-dən az olmayan
şagirdlər müvafiq fənn üzrə müvəffəq qiymət alırlar.
Şagirdlərin fənlər üzrə düzgün cavablarının sayının 5 ballıq qiymət
şkalasına (2, 3, 4, 5) uyğunluğu aşağıdakı cədvəldə təqdim olunur:
Qiymət | Fənlər üzrə düzgün cavabların sayı |
Ana dili
(Azərbaycan bölməsi) | Ana dili
(rus bölməsi) | Riyaziyyat |
2 | 0-4 | 0-4 | 0-4 |
3 | 5-14 | 5-14 | 5-14 |
4 | 15-23 | 15-22 | 15-21 |
5 | 24-30 | 23-30 | 22-30 |
APA