“Milli Konservatoriyanın yeni binası yaxın bir il ərzində istifadəyə veriləcək”. Bunu Azərbaycan Milli Konservatoriyasının rektoru Siyavuş Kərimi deyib. O bildirib ki, ali məktəbin yeni binası Yasamal rayonu Hüseyn Cavid prospektində inşa olunur.
S.Kərimi konservatoriyanın yeni binasının sahəsinin təxminən 24 min kvadrat metr olacağını da qeyd edib: “Yeni bina istifadəyə verildikdən sonra tələbə və müəllim heyətinin genişlənməsi məsələsi də gündəmə gələcək”.
O, hazırda konservatoriyada 252 tələbənin təhsil aldığını deyib.
apa