19 sentyabr Bakıda Milli musiqi günü ilə əlaqədar olaraq İçəri şəhər
tarixi muzeyində "Bakı tipajları" tədbiri keçiriləcək. Bu barədə
“İçərişəhər” Dövlət Tarix-Memarlıq Qoruğunun mətbuat xidmətindən məlumat
verilib.
Tədbir çərçivəsində Əzim Əzimzadə, Nəcəfqulu İsmayılov və Ələkpər
Rzaquliyevin karikaturaları nümayiş etdiriləcək. Bundan başqa, “Qurban
Abbasov” adına mədəniyyət evi kollektivi dahi Azərbaycan bəstəkarı
Üzeyir Hacıbəyovun əsərlərindən ibarət konsert verəcək.
Eyni zamanda, Azərbaycan Rəssamlıq Akademiyasının tələbələri öz
bacarıqlarını nümayiş etdirərək - tədbir iştirakçılarının
karikaturalarını çəkəcəklər.