Mayın 15-dən 21-dək Qırğızıstan Milli Akademik Opera və Balet Teatrında SSRİ Xalq Artisti Bubusarı Beyşenalieva adına IV Beynəlxalq Balet Festivalı keçiriləcək.
Festivalda Azərbaycan, Almaniya, Rusiya, Qazaxıstan, Qırğızıstanın balet ustaları iştirak edəcəklər. Festivalın ilk günü Qırğızıstan balet ustalarının ifasında “Çulpan” baleti göstəriləcək.
Altı gün ərzində Bişkek teatrında dünya klassik baletinin ən yaxşı nümunələri nümayiş etdiriləcək.
Mayın 21-də iştirakçı ölkələrin balet ustalarının qala-konserti də baş tutacaq.
azertag.az