Rusiyalı proqramçı Valeri Spiridonov “Səma” adlandırılan layihədə iştirak etməyə razılığını verib.
Dünyada ilk insan başı transplantasiyası əməliyyatı gerçəkləşir. Əməliyyat Almaniyada keçiriləcək. Bunu dünyanın ilk insan başı köçürülməsi əməliyyatını həyata keçirməyə hazırlaşan italiyalı neyrocərrah Sercio Kanavero açıqlayıb.
Almaniya KİV-nin məlumatına görə, həkim əməliyyatın keçiriləcəyi dəqiq tarixi açıqlamayıb, amma unikal transplantasiyanın Milad bayramınadək keçiriləcəyini bildirib. Donorun kimliyi hələlik açıqlanmır.
Qeyd edək ki, rusiyalı proqramçı Valeri Spiridonov “Səma” adlandırılan layihədə iştirak etməyə razılığını verib. “Verdinq-Xofman” xəstəliyindən əziyyət çəkən və ömürlük əlil arabasına məhkum Spiridonov müstəqil hərəkət etmək imkanından tamamilə məhrum olub.
oxu.az