Azərbaycan Respublikası Kinematoqrafçılar İttifaqı tərəfindən Milli Kino Mükafatı təsis olunub.
İttifaqın mətbuat xidmətindən verilən məlumata görə, mükafat hər il 2 Avqust - Kino Günündə Azərbaycan kinosuna verdiyi töhfələrə görə fərqlənən kinematoqrafçıya təqdim olunacaq. Bildirilib ki, Azərbaycan Respublikası Kinematoqrafçılar İttifaqı İdarə Heyətinin üçüncü iclası keçirilib. Yeni mükafatın təsis olunma qərarı da bu iclasda verilib. İclasda Azərbaycan Respublikası Kinematoqrafçılar İttifaqının əsasnaməsi, strukturu və görüləcək işlər barədə müzakirələr aparılıb. Eləcə də Milli Kino günü ilə bağlı Tədbirlər planı təsdiq olunub.
APA