Xaçmaz şəhərindəki Abumüslüm Səlimov adına 7 nömrəli tam orta məktəbin yeni binasının tikintisi yekunlaşıb.
İki mərtəbəli, 360 yerlik müasir məktəb binası yeni dərs ili ərəfəsində qapılarını müəllim və şagirdlərin üzünə açacaq. Dövlət vəsaiti hesabına inşa olunan yeni təhsil ocağında şagirdlərin keyfiyyətli təhsil almaları üçün hər cür şərait yaradılıb. Burada fizika və kimya laboratoriyaları, informatika kabineti, idman və akt zalı, kitabxana, tibb otağı fəaliyyət göstərəcək. Məktəbin ərazisində inşa olunan futbol meydançası və müxtəlif idman qurğuları şagirdlərin fiziki inkişafının təmin olunmasına xidmət edəcək.
Müasir istilik sistemi ilə təchiz edilən yeni məktəb binasının həyətində qazanxana və su çənləri inşa olunub.
Xaçmaz rayonda təhsilin maddi-texniki bazasının möhkəmləndirilməsi istiqamətində nəzərəçarpacaq işlər görülüb. Son illər rayonda 40-dək məktəb binası tikilib.
azertag.az