Bakı Xətai Sənət Mərkəzində ümumrespublika akvarel rəsm müsabiqəsi təşkil olunacaq.
Sənət mərkəzindən bildirilib ki, müsabiqə Mədəniyyət və Turizm Nazirliyi, Azərbaycan Dövlət Rəsm Qalereyası və Bakı Xətai Sənət Mərkəzinin birgə təşkilatçılığı ilə baş tutacaq. İştirak etmək istəyənlər oktyabrın 30-dək əl işlərini Bakı Xətai Sənət Mərkəzinə təqdim etməlidir.
Müsabiqənin məqsədi rəssamlar arasında müvafiq yaradıcılıq texnikasını yaşatmaq və gələcək inkişafına stimul yaratmaqdır. Müsabiqəyə təqdim edilən rəsmlər sırasından bədii dəyərə malik əsərlər seçilərək sərgilənəcək. Mövzu sərbəstdir.
azertag.az